Yaburi 59:16 - ALLALA KUMƐ

¹⁶ Kɔnɔ nde si ita fankalamaya-sigi sa. Ka a tɛgɛ ila hinɛ ma, n si n kuli mayɛlɛ sigi sa tinɛ sɔgɔma-wo-sɔgɔma. N natanka tinɛ le ile la. I mara n kisi tinɛ la n tɔrɔya-wati rɔ.

Yaburi 59:16 ပူးပေါင်းရင်းမြစ်များ

2 Samuwɛli 22:3

Nta farɛ le Alla la n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yobu 15:23

Dogɛnu bi karagbɛlɛ suyi makɔnɔna. Wonu ya a lɔn ko a wara-koe sa mɛla kala-a-la.

Yobu 37:23

Ma ti ke ma gbɛrɛnna Alla Sɛnbɛ-Bɛɛ-Tigi ma ka a tɛgɛ ata kabana-koe wonu ma. A telennɛ mɔgɛnu ye tede!

Yaburi 101:1

E, Mari, n si bɛti bɔ ila keninteyɛ anubɛ telenbagayɛ wara-koe la. N si tantoli-bɛti bɔ i ye.

Yaburi 106:8

Kɔnɔ hali wo, a ya anu nakanan iko a ya anu yili-madiya nya min, alako a ni ata sɛnbɛ-wɛ yira anu na.

Yaburi 138:7

N nafoonɛ tenbi tɔrɔyɛ la, ile le si n nakanan. N yoge minnu yisi bɔnɛ, i wara i sɔ wonu na. I ya n nakanan ita sɛnbɛ la.

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Yaburi 145:11

Anu si ila mansaya-mankan gbiliya. Anu si to ila sɛnbɛ wara-koe rakaranna

Yaburi 21:13

E, Mari, ma si i tanto ila sɛnbɛ-makawanɛla ko la. Ma si bɛtinu bɔ ka ita sɛnbɛ matɔgɔ.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yaburi 31:7

N si nyagalen bɛrɛkɛ ka a tɛgɛ ila keninteya-dannatɛgɛbɛlɛla ko la. I ya nna tɔrɔyɛ bɛɛ yen. I ya nna nyagbɛ bɛɛ lɔn.

Yaburi 36:5

Mari, ila keninteya-dannatɛgɛbɛlɛ ye yɛlɛla ha san-kole. Ila lanayɛ ye tugula banda-finyɛ la.

Yaburi 4:1

E, n kun-makalɛ Alla, i yandi, n ba i rakele n dɛnbɛn-koe rɔ, i ni a labira. N tagbɛrɛnnɛ wati min, ile le ya n kumafunfan. Nba, i ni nta madiyali-kan lamɔɛn. I ni i gbɛ latugun ka kinikini n ma.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 5:3

I ya n kan lamɔɛn sun-tele-tiyi ma. N bara n masigima-koenu fɔ i ye. N sigini de gbɛ ka anu yabilɛ makɔni.

Yaburi 77:2

N tenbi tɔrɔyɛ rɔ, n bi n tigi matarala. Ki-kudu, n bole siginɛ Alla ye ka a madiya kɔnɔ n sa yisi-kima sɔrɔnna.

Yaburi 86:13

Ila keninteya-dannatɛgɛbɛlɛ kolo n ye. I wara n nakanan lakira-masibɛ ma.

Yaburi 88:13

E, Mari, n ya i rakele n dɛnbɛn-koe la. Sɔgɔma-wo-sɔgɔma, n si i madiya.

Yaburi 89:1

E, Mari, n si to ila hinɛ-sigi sala tolon! N si to ila telenbagayɛ wara-koe rakaranna dɛɛ!

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Yɛrɛmaya 30:7

Kabana-ko-tele ye nala min nyɔgɔn ti na tun. Kɛ si ma tɔrɔya-tele la wole, Yakoba kegeyɛnu ye kɔnɔ wo kunyɛ si bɔ a rɔ.

Romu 15:9

A ya wo ma fanan alako sibolo-gbɛrɛnu ni Alla tanto ala kinikinɛla ko la. Iko a sɛbɛnɛ kitabu kan tinɛ donu tɔ nya min ko, “E, Alla, n si i matɔgɔ sibolo-gbɛrɛnu yala. N bi tantoli-bɛti bɔla i ye.”

2 Kɔrɛnti 1:10

A ya ma kisi saya-masiba-wa-su wo ma, ado a si to ma kisila. Wo ye ma dɛnbɛna wola madiyalɛnu tɔ tumɛ min, ma ara ban ma yigi sala a kuma ko a si ma kisi tun. Mɔgɔ siyaman bi anu kan nabɔla Alla ma ka baraka bira a ye mala ko la, ado Alla si wonu yabi ka duwɛ layigi ma kuma.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

1 Samuwɛli 17:37

Mari ara n matanka yarɛ anubɛ sogo-ferema-masibɛ ma, ado fɔ a wa n tanka Filisiti-kei kɛ masibɛ ma fanan.” Mansa Sɔli ko, “Tana ma wo la. Ta. Alamɛ Mari tora i fɛ.”