Yaburi 57:6 - ALLALA KUMƐ

⁶ N yogenu ya gbɛrɛ min nasigi n ye wo ya n yigi tɛgɛ son! Anu ya denkɛ sin nta kilɛ la kɔnɔ anu denu-denu buira denkɛ wo rɔ.

Yaburi 57:6 ပူးပေါင်းရင်းမြစ်များ

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

Yaburi 108:6

I ni nna madiyali-kan lamɔɛn ka ma kisi ila sɛnbɛ-wɛ la alako i diyana-mɔgɛnu si kanan nya min.

Yaburi 140:5

Wasintenu bara gbɛrɛ lasigi n ye. Anu bara sogo-bira-yalɛ rafulen n yarɔ. Kan-birɛ lasiginɛ n ye anu bolo.

Yaburi 142:3

Tɔrɛ wa n tabɔ tumɛ min, ale Mari si a lɔn n si min ma. N yogenu bara gbɛrɛ ladu n gbere la.

Yaburi 143:4

N yigi ara tɛgɛ son! N kun ma ara kɔ yisi-tinya bolo.

Yaburi 145:14

A ye mɔgɔ-tɔrɔnɛnu dɛnbɛna. A ye mɔgɔ-buinɛnu nawulila.

Yaburi 42:6

N bi n yogenu bolo min kɛ, n yisi tinyanɛ bawo kɛlɛ ara ta n na. Wo le ya a ma, n ya n miri nta Alla ma. Alla ara yakɔrɔ-mamɔɛ lana n ma iko wasa-belebele-wɛ tenbi sɔnkɔla kurinu kuma. A kuman-kan manɛ iko wasɛ min bi bɔla Hɛrɔman anubɛ Misa kɔnkɛnu kuma ka ta a labila Yorodan bɛ ma.

Yaburi 8:2

Hali dennɛnu, wonu bi i matɔgɔ-siginu sala. Ile ye kan min, i yogenu ti ke i yakɔrɔ-mamɔla nyɔ. Min ba a ma ko a ye a sɔla i la, i si wo kasara.

Hɛnkilimaya-Kumɛnu 28:10

Mɔgɛ min bi mɔgɔ-latelennɛ labuila hakɛ rɔ, wo tigi si bira a nyɛrɛta gbɛrɛ-lasiginɛ la. Kɔnɔ fɛɛ sa mɔgɛ min na, wo si sabati.

Hɛnkilimaya-Kumɛnu 29:5

Mɔgɔ-wo-mɔgɔ si a da le fɔ a ta-nyɔgɛ ye, wo ye gbɛrɛ le lasigila a ta-nyɔgɛ ye wo la.

Maika 7:2

Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Yilan-Yilan Koe 14:21

Iko n bara n keli n nyɛrɛ ma anubɛ nta gbiliyɛ min bi kan tinɛ kɛ bɛɛ rɔ nya min,