Yaburi 57:5 - ALLALA KUMƐ

⁵ E, Alla, a ma, ma ni ila kabana-koenu yen san-kole rɔ ka ita gbiliyɛ yen dugu-kole bɛɛ kuma.

Yaburi 57:5 ပူးပေါင်းရင်းမြစ်များ

1 Ko-Kɔrɔta-Karan 29:1

Mansa Dawuda ya a fɔ nyama-ladɛnnɛ wo ye ko, “Nna den Silamɛni, Alla ara wo le yabɔ ka a ma mansɛ la. Kɔnɔ hali wo, a dɔgɔ, ado a ma duru mansaya-koe la. Bato-Bɔn sɔ-ko-wɔlɛ kɛ makawara bawo mɔgɛnuta mansa-bɔn sɔ-ko-wɔli ma kɛ la fɔ Mari Allatɛ.

Yaburi 148:13

Wonu damasi ni Mari tanto. A tɔgɛ kolo tɔgɛ bɛɛ ko. Ala gbiliyɛ kolo fan bɛɛ ko minnu bi san-kole anubɛ dugu-kole ma.

Yaburi 21:13

E, Mari, ma si i tanto ila sɛnbɛ-makawanɛla ko la. Ma si bɛtinu bɔ ka ita sɛnbɛ matɔgɔ.

Yaburi 57:11

E, Alla, a ma, ma ni ila kabana-koenu yen san-kole rɔ ka ita gbiliyɛ yen dugu-kole kuma.

Yaburi 59:8

Kɔnɔ ile, Mari ye yɛlɛnna anu ma dɛɛ! Ado nfan, Alla-lɔnbɛlɛ-sibolenu lafɛyɛ bɛnta ile le ma.

Yaburi 64:4

Tiriyante, anu bara anuna milibɛlitaya-foninyɛnu tanyɛnsɛn. Anuna kɔma-kuma-fɔɛ si mɔgɔ-nyimɛnu tinya.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 8:1

E, Mari, mata Mari, kɔni, i tɔgɛ-mankan ye duninya bɛɛ rɔ. Ita gbiliyɛ ara bɔ gbɛ rɔ ma ye san-kole ma.

Hɛnkilimaya-Kumɛnu 12:18

Kuma-yogoma-fɔlɛla kumɛ si to mɔgɔ-sɔn sɔgɔla a rɔ kɔnɔ hɛnkilimɛta kumɛnu si to mɔgɔ yisi-kimɛla.

Hɛnkilimaya-Kumɛnu 30:14

Mɔgɛ donu fanan bi nyɔ, wonuna wɔli ma fenfen na fɔ ka bolo-kolɔnnu kensunya. Anu bi belenna buila anu ma iko sogo-feremɛnu.

Aiseya 12:4

Wati ye nala mɔgɛnu si sigi sa ko, “Wo ni baraka bira Mari ye. Wo ni a kele wo dɛnbɛn-koe la. A ara min ma wo ye, wo ni wonu fɔ sibole mumɛ bɛɛ ye tɛrr! Wo ni Alla-makawanɛ wara-koe fɔ anu ye.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Habakuku 3:3

Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.

Yilan-Yilan Koe 14:21

Iko n bara n keli n nyɛrɛ ma anubɛ nta gbiliyɛ min bi kan tinɛ kɛ bɛɛ rɔ nya min,