Yaburi 56:4 - ALLALA KUMƐ

⁴ N lanɛ ile Alla la min kɛ, woletɔ n ti kilan. N si i tanto bawo lanyiri kirinɛ i bolo n kisi-koe la. Hadama-dan si ke nfen mala nde la worɔ?

Yaburi 56:4 ပူးပေါင်းရင်းမြစ်များ

2 Ko-Kɔrɔta-Karan 20:3

Mansa Yɛhosafati kilanta ha a ya Mari matara ko a ni hɛnkili di a ma. A ya a fɔ ata nyamanita-mɔgɛ bɛɛ ye ko anu ni sunyɛ don.

2 Ko-Kɔrɔta-Karan 20:4

Mɔgɛnu nara Yerusalɛm ka bɔ Yuda nyamanɛ soe bɛɛ rɔ alako anu si hɛnkili sɔrɔn Mari bolo nya min.

Yaburi 118:6

N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 119:160

Ila tɔn-kole ma fenfen na fɔ tonyɛ. I ye kiti sala telenbagayɛ min na, wo ti ban!

Yaburi 12:6

Yigi si taran de mɔgɛnu bolo Marita yili-madiyɛla ko la. Lanyiri wonu yili masɔni de iko wodi-gbɛ min na ara lee sɛninya tinɛ iko wɔrɔnfila.

Yaburi 138:2

N si n madu dugi ma i Bato-Bon-sɛnimɛ telen tɔ. N si baraka bira i ye ka a tɛgɛ ita hinɛ anubɛ ila lanayɛla ko la. I wara i tɔgɛ anubɛ i kuman-kan lawanka fan bɛɛ ko.

Yaburi 27:1

Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Aiseya 31:3

Hadama-dan le Iyipiti kɛnu na dɔrɔn. Alla ma anu na. Soee dɔrɔn de anuna soeenu na. Mari wa ata sɛnbɛ lawɔli, nyamani-sɛnbɛmɛnu si tii mɛmɛ! Nyamani-nɛ minnu dunnɛ nyamani-wɛnu na anu dɛnbɛn-koe la, wonu fanan si tii nya-kun-kelen tɔ.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Yɔni 10:35

Ma ya a lɔn ko min sɛbɛnɛ Allata kitabu rɔ, tonyɛ le wo la tɛban! Nba, Allala kumɛ dira mɔgɛ minnu ma, Alla ya a fɔ wonu ma ko Allala Dannu.

Hiburunu 13:6

Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”

1 Samuwɛli 30:6

Dawudala keminɛnu yisi tinyanta anuna denbayɛnuna ko la ha Dawuda-mabon-sɔgɛ ya anu bira. Dawuda ye yakɔrɔ-mamɔɛ wo rɔ kɔnɔ hali wo, ata Mari Alla ya sɛnbɛ di a ma.