Yaburi 56:10 - ALLALA KUMƐ

¹⁰ N si ile, Mari tanto ka a tɛgɛ ila lanyiri ma i wara minnu kiri n ye.

Yaburi 56:10 ပူးပေါင်းရင်းမြစ်များ

Ko-Dabirɛnu 32:11

N bi i madiyala, Mari, i yandi, n kisi n kɔrɔ Isɔ masibɛ ma kamasɔrɔn n kilannɛ le a la alako a kana mabɛ nna denbayɛnu faga.

2 Ko-Kɔrɔta-Karan 18:31

Wonu ya Yuda Mansa Yɛhosafati yen min kɛ, anu ya a lɔn ko Isirɛla mansɛ le ale la nun. Anu wulita a kan ma. Kɔnɔ ale Yɛhosafati gbele-gbelenta. Mari Alla ya a latanka ka wonu kunyɛ bɔ ale telen tɔ.

Yaburi 118:6

N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 124:1

Wole Isirɛla mɔgɛnu, wo ni kumɛ kɛ yabi. Ni Mari sa ma fɛ nun, wo si ma kama ma bolo?

Yaburi 124:2

Ma yogenu ya ma kɛlɛ tumɛ min, ni Mari sa ma fɛ nun,

Yaburi 56:4

N lanɛ ile Alla la min kɛ, woletɔ n ti kilan. N si i tanto bawo lanyiri kirinɛ i bolo n kisi-koe la. Hadama-dan si ke nfen mala nde la worɔ?

Yaburi 60:6

Alla ara a fɔ ata kan-tina-sɛnimɛ rɔ ko Sɛkɛm soe anubɛ Sukɔti lɛɛ, a si wonu tala ata mɔgɛnu ye nɔlɛ rɔ.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

2 Pita 1:4

Woletɔ a ya lanyiri-kinama-wɛ anubɛ lanyiri-kɛndɛ-kɛndɛnu kiri ma ye. Ka a tɛgɛ kɔ-fan kɛnu ma, ma ni ata kɛ-nya fanan sɔrɔn. Wo kɔma, ma si na kisi duninya-natanu ma minnu bi mɔgɛnu tinyana.