Yaburi 56:1 - ALLALA KUMƐ

¹ E, Alla, i ni kinikini n ma bawo n bi tagbɛran rɔ. N yogenu bi n sagaranna tuma-wo-tuma.

Yaburi 56:1 ပူးပေါင်းရင်းမြစ်များ

Yaburi 106:17

Dugi dɛ lakara ka Ɛliyabula dan Datan lakunu. Dugi ya Abairam anubɛ ala denbayɛ fanan togon.

Yaburi 124:3

anu si ma kɛndɛ lakunu nun anu yisi-kuna-wɛ ma.

Yaburi 136:10

A ya Iyipiti kɛnuna sarɛ bɛɛ faga. Ala keninteyɛ dan sa.

Yaburi 136:15

A ya Iyipiti mansɛ anubɛ ala kɛlɛ-dannu nato yi rɔ. Ala keninteyɛ dan sa.

Yaburi 143:12

N yogenu faga n ye ka a tɛgɛ ila keninteya-wɛla ko ma. N niyi-ragbɛrɛnnɛnu kasara n ye bawo ila wɔli-kɛlɛ le nde la.

Yaburi 16:1

E, Alla, n nakanan bawo n lanɛ a la ko i si n natanka le.

Yaburi 21:9

Mansɛ yisi wa bɔ, a si a yogenu kasara iko tɛ wa nɔrɔn bira. Mari si anu ban ala fondo-bɔɛ la. Ata tɛ si anu mintan gburr!

Yaburi 27:2

Karagbɛlɛnu ba wuli n kan ma ko anu ni n faga, anu si anu kiannu natugu ka bui.

Yaburi 31:9

Mari, kinikini n ma bawo n bi tɔrɔyɛ rɔ. N yɛnu bara yiri diyi-kɛ bolo. N sɛnbɛ ara tɛgɛ.

Yaburi 35:25

I kana sɔn, anu ni a fɔ n ma ko, “Ma ye nyinina min ma, wo le wara ma, yɔ! A ara tunu ma tɛma yen!”

Yaburi 58:1

Wole kun-tiginu, wo si ke kiti tɛgɛla a kilɛ fɛ lun-kelen-bɛrɛn? Wo si ke kiti tɛgɛla ni lafisayalɛ sa a rɔ, wa?

Yaburi 59:1

E, nta Alla, n tanka n yogenu masibɛ ma. N tanka n yogenu ma minnu bi tugula n kan ma.

Yaburi 59:10

N di nta Alla ye tɛban! A si n nabɛn. Lunyɛ do, i si n yogenu nɔ nya min, n ni wo yen n yɛ la.

Yaburi 60:1

E, Alla, i wara i ban ma la ka kilɛ sa ma ma. I fonde ma ara gboya ma ma nun kɔnɔ i yandi, i ya-lamunun ma la.

Nimisa Koe 2:16

I yoge bɛɛ ye i mayɛlɛnna. Anu bi i lafɛyala ka i rasɛ. Anu bi a fɔla ko, “Male le ya a kasara. Nba, ma ara mɛ tele min makɔnɔna, wo le kɛ la, yɔ!”

Nimisa Koe 2:2

N Tigi Mari ma kinikini so-mɛsɛ fenfen ma Yuda nyamanɛ rɔ. A ara anu bɛɛ halaki pɔ! So-latankanɛ min bɛɛ ye Yuda nyamanɛ lakanan-koe la, a ara wo bɛɛ labui fugbu! A ya nyamanɛ anubɛ a mɔgɔ-banu fɛrɛn dugi la yarabiyi bolo.

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Hoseya 8:8

Wole Isirɛla mɔgɛnu bara ma iko sibolo-gbɛrɛnu. Wo ara ma iko bɔnku-daga-gbɛnkian mɔgɛ mako sa min na.

1 Kɔrɛnti 15:54

Woletɔ bagbuyi min si tuli, wo wa yɛlɛma bagbuyi la min ti tuli tumɛ min, wo si a ma, min sɛbɛnɛ Allala kitabu rɔ, wo ni bɔ-a-la. A sɛbɛnɛ ko, “Sayɛ ara halaki. Nɔlɛ ara kanbali!”

1 Samuwɛli 29:4

Kɔnɔ hali wo, Filisitinuna kɛlɛ-kurugbɛnu diminyara Mansa Akisi ma. Anu ya a fɔ a ye ko, “A lasɛgi a kɔma a wara-soe burɔ, i wara kan tinɛ min yira a la. I kana sɔn, a ni kofu ma ma kɛlɛ rɔ. Tumado a ye a ya-lamununna male la ka ma lato. Bawo ni ale ya ma faga, wo si a ma, a ni diya ala kun-tigi ye tun.