Yaburi 55:21 - ALLALA KUMƐ

²¹ A ye kuma-teleka-telekɛ min nabɔla a da rɔ, wo di iko fɛnɛ kɔnɔ fenfen sa a sɔn-kole rɔ fɔ gboyanayɛ. Fɔlɔ nun, kumɛ min bi bɔla a da rɔ, wonu manɛ n fɛrɛ ma iko tuli kɔnɔ a ye kumɛ min nabɔla a da rɔ kaka, wo mani de n fɛrɛ ma iko anu ba mɔgɔ tɛgɛ faan la.

Yaburi 55:21 ပူးပေါင်းရင်းမြစ်များ

2 Samuwɛli 16:19

Ni n ma wɔli n tigila dan kɔrɔ, n si wɔli yon ye wo rɔ? Iko n wɔlita i fa ye nya min, n bi wɔlila ile fanan ye wo nya na le.”

Yobu 41:3

A si i madiya a boloka-koe la alako i ni kinikini a ma?

Yaburi 12:2

Anu bi foninyɛ fɔla anu nyɔgɔn ye. Anu bi anu nyɔgɔn yanfala kuma-teleka-telekɛnu na.

Yaburi 28:3

I kana i ban n na ka mabɛ karagbɛlɛnu to da kelen tɔ. Mɔgɛ le wonu na, anu da radi kɔnɔ gboyanayɛ ye anu yisi rɔ.

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Yaburi 59:7

I wɔlɔ matɔlɔ n tasɛ-kumɛ la anu bolo. Anu nagan mani de iko faan-damɛ. Anu miri ko mɔgɔ-wo-mɔgɔ sa anu kan lamɔɛnna.

Yaburi 62:4

Wole, a yogenu bi nyɔ dɔrɔn ka a mankan layigi. Foninyɛ di wo ye. Hali wo ye duwala kɔnɔ wo ye dankali-kɛla wo yisi rɔ.

Yaburi 64:3

Anu bi anu nagan dɛ lasala iko faan. Anu bi kuma-yogomɛnu nakɛla n ma iko kalabɛn.

Hɛnkilimaya-Kumɛnu 12:18

Kuma-yogoma-fɔlɛla kumɛ si to mɔgɔ-sɔn sɔgɔla a rɔ kɔnɔ hɛnkilimɛta kumɛnu si to mɔgɔ yisi-kimɛla.

Hɛnkilimaya-Kumɛnu 26:28

Ni i ya tɔgɛ sa mɔgɛ la, wo si a yira ko mɔgɛ wo ma di ile ye. Darɔ-diyɛ si nanparan lana mɔgɛnu ma.

Matiyu 26:25

Ale Yudasi min ya a don a yogenu bolo tɔ, wo ya nyinikali kɛ ko, “Karan-mɔgɔ, i ye nde le ma?” Yisa ya a yabi ko, “Ɔn, ile le, yɔ!”

Yɔni 13:2

Nba, Setanɛ ara ban Yisa maburi-koe donna Saimonna dan Yudasi Yisikariyɔti yisi rɔ nun. Yisa ya a lɔn ko a Fa ara sɛnbɛ-kanbalinɛ di a ma nun. A ya a lɔn fanan ko a bɔra a Fa Alla wara, ado a ye nala sɛgila nyɔ le tun. Nba, anubɛ ala karan-dannu bi fen dɔn la tumɛ min, Yisa ya a lasɔ ka bɔ tebulu wara la. A ya ala duruku-ba bɔ a kan na ka fanɛ kiri a bu tɛma.

1 Samuwɛli 18:22

Mansɛ ya ala mɔgɔ-banu natuntun alako anu ni ta kuma Dawuda la gbundi rɔ dunmusi wo furu-koe rɔ. A sɔgɛ ye a la ko anu ni a fɔ Dawuda ye ko ale di mansɛ ye, ado a di mɔgɔ-banu fanan ye alako anu ni a fɔ a ye fanan ko, “Wati-nyimɛ le kɛ la i bolo ka mansɛla dunmusi furu.”