Yaburi 55:18 - ALLALA KUMƐ

¹⁸ N ba ta n yogo-siyamɛ kɛlɛ tinɛ tumɛ min, Mari si n bi anu tɛma yenkesen, ka na n na.

Yaburi 55:18 ပူးပေါင်းရင်းမြစ်များ

2 Samuwɛli 18:28

Ahimahasi kenɛ tarɛ wo ma, a ya mansɛ rakele ka a kɔndɔn. A ya a laburun a ma mansɛ kɔrɔ. A ko, “N tigi, ita Mari Alla tanto. Bawo mɔgɛ minnu bara murutiya i ma, ita Mari Alla ara a ma, i wara nɔ-ko sɔrɔn wonu ma.”

2 Samuwɛli 22:1

Mari ya Mansa Dawuda kisi Mansa Sɔli anubɛ a yoge doinu ma tumɛ min, ale Dawuda ya bɛti bɔ Mari ye.

2 Mansɛnu 6:16

Nɛbi Ilaisa ya a fɔ a ye ko, “I kana kilan. Mata kɛlɛ-dannu siya anuta kɛlɛ-dannu ko.”

Yaburi 17:1

E, Mari, i yandi, n bi i madiyala telenbagayɛ minna ko la, i wɔlɔ matɔlɔ wo la. N di-kɛ-kan-gbɛnɛ lamɔɛn.

Yaburi 56:2

Telen-gbɛn, anu bi tugula n kan ma. N kɛlɛlɛnu siya kati!

Yaburi 57:3

a si a lamɔɛn san-kole rɔ ka n kisi. A si n yoge bɛɛ nɔ. Alla si ata hinɛ anubɛ lanayɛ yira n na.

Nimisa Koe 3:56

N ya i madiya n dɛnbɛn-koe la tumɛ min, i ya a lamɔɛn de, yɔ!

Matiyu 26:53

I ma a lɔn nun ko n si ke ka n Fa Alla kele ko a ni n dɛnbɛ? Ni n ya wo ma, a si melika-kɛlɛ-bolon waga-tan-ni-fila (12,000) lana n ma tiriya!

1 Yɔni 4:4

N diyana-dannu, Allatɛ le wole la. Wo ara foninya-nɛbi wonu nɔ bawo ata Ni-Sɛnimɛ min bi wole rɔ, wo sɛnbɛ kolo doinuta niyi ko, duninyatɛ ye minnu na, kɔni.