Yaburi 55:17 - ALLALA KUMƐ

¹⁷ Su-ni-tele, nta yasere-masɛ ye kɛla a ma, ado fɔ a wa n kan lamɔɛn de, yɔ!

Yaburi 55:17 ပူးပေါင်းရင်းမြစ်များ

Yobu 19:7

Hali n ya a fɔ ko mɔgɛnu bara ko-yogomɛ ma n na, mɔgɔ ti a tole masɔ n na. Hali n ba keleli-kɛ dɛnbɛnɛla ko la, n ti yo sɔrɔn.

Yaburi 119:62

N bi n nasɔla su-talɛ ma ka i matɔgɔ bawo i ye kiti sala a kila-bɛrɛbɛrɛ fɛ.

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 72:12

Bolo-kolɔnnu ba a rakele, a si wonu nakanan. A ye wo nya na fanan fɛlɛtenɛnu anubɛ mɔgɔ-tɔrɔnɛnu ye.

Yaburi 77:2

N tenbi tɔrɔyɛ rɔ, n bi n tigi matarala. Ki-kudu, n bole siginɛ Alla ye ka a madiya kɔnɔ n sa yisi-kima sɔrɔnna.

Yaburi 88:13

E, Mari, n ya i rakele n dɛnbɛn-koe la. Sɔgɔma-wo-sɔgɔma, n si i madiya.

Yaburi 92:2

A di n ye, n ni to ila keninteya-dannatɛgɛbɛliya-koe fɔla sɔgɔma-wo-sɔgɔma. Wura-wo-wura, n si to ila lanaya-koe fɔla fanan.

Nimisa Koe 3:8

N ba Alla rakele n dɛnbɛn-koe la, a ti a wɔlɔ matɔlɔ n na.

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Daniyɛli 6:13

Anu ya a fɔ mansɛ ye tun ko, “Kɛlɛ bɔra mɔgɛ minnu na Yuda nyamanɛ rɔ, wo mɔgɔ kelen bi nyɔ, a sa sɔnna ila tɔn birala, ila kandɛ, Daniyɛli, kɔni. A ye matarali-kɛla a nyɛrɛ ma iko sawa tele la.”

Maraka 1:35

Wo banda kɛ, subaga dɛ ma, Yisa tara soe kɔma a dan na Alla matara tinɛ.

Maraka 6:46

A ban mɔgɛnu masarala, a yɛlɛta kɔnkɛ kuma ka madiyali kɛ.

Maraka 6:48

A ya a yen ko ala karan-dannu bi tɔrɔla kulɔn lata-koe rɔ bawo fɔnyɔ ara a kunyɛ sa anu ma. Su-talɛ ma, Yisa ye tagamana yi kuma anu bara la. A tora doni, a ni tenbi anu na nun.

Kɛwɔlɛnu 10:3

Lunyɛ do tele-makima-wati (3 pm), a ya Allala melika yen ko-rayirɛ rɔ. Melika wo ye donna ala bɔn la ka a rakele ko, “Kɔniliyasi!”

Kɛwɔlɛnu 10:30

Kɔniliyasi ko, “A tele-nani-nyɔgɛ le bi, kɛ-nyɔgɔn-wati le nun gben, n bi madiyali kɛla nna bɔn la tele-makima-wati kɛ rɔ. Kei do nara minna kurɛ ye malan-malanna a ma, wo sɔra n yakɔrɔ.

Kɛwɔlɛnu 10:9

Wo banda kɛ, anu gbɛrɛnnɛ Yapa soe ma tumɛ min, wo ya a taran, Pita ye Alla matara tinɛ bɔn kuma tele-latelan.

Kɛwɔlɛnu 3:1

Lunyɛ do tele-makima-wati (3 pm), Pita anubɛ Yɔni tara Alla-Bato-Bɔn la madiyali-kɛ-tinɛ.

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

1 Tɛsalonaika 5:17

Wo kana kuri Alla matara tinɛ.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.