Yaburi 55:15 - ALLALA KUMƐ

¹⁵ Alamɛ n yogenu tɛgɛra a ma, yanni anuta wati ni ke. Alamɛ anu kuran tara lakira bawo anu kan-nabila-bɔrɛ le ko-yogoma-kɛ la.

Yaburi 55:15 ပူးပေါင်းရင်းမြစ်များ

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Samuwɛli 18:14

Yohabu ya a fɔ keminɛ wo ye ko, “N sa n tɔrɔla kumala ile fɛ tun.” A ya tanba sawa bi. A ya Abasalɔm kɛndɛ taran dunnɛ kɔlɔma wo la. A ya tanbɛ wonu nakɛ. Wonu tara gbangban Abasalɔm kɔgɔ rɔ.

2 Samuwɛli 18:9

Abasalɔm namatoe, a bɛnta Mansa Dawudala kɛlɛ-dan donu na. A siginɛ sofɛli-kinamɛ la. Sofɛlɛ wo bɔmatoe kɔlɔma-kuru-wɛ do kɔrɔ tumɛ min, Abasalɔm kun-sigi bilara kɔlɔma wo bolɔn do la. Sofɛlɛ wo tora tala ka Abasalɔm dunnɛ to kɔlɔma wo la.

Yaburi 64:7

Kɔnɔ Alla si ala kalabɛn lakɛ anu ma, ado anu si tanban tiriya!

Yaburi 9:17

Karagbɛlɛ bɛɛ si a laban kanbɛ rɔ hali minnu bi Alla bɔrɔbɔla.

Matiyu 26:24

ado nde, Hadama-dan si faga iko a sɛbɛnɛ Allata kitabu rɔ nya min kɔnɔ gbalo-belebele ye mɔgɛ wo kuma, min si nde, Hadama-dan don n yogenu bolo tɔ! A fisa nun, hali mɔgɛ wo ma sɔrɔn nun!”

Matiyu 27:5

Yudasi ya wodi wo fili Alla-Bato-Bɔn burɔ. A tara. Wo kɔma, a tara a nyɛrɛ dun yili la.

Kɛwɔlɛnu 1:25

a ni to Yudasi gbɛ rɔ kilaya-kɛ-tinɛ, wo yira ma la, ado Yudasi kɛ ya ma boloka ka ta atɛ sɔrɔn.”