Yaburi 54:6 - ALLALA KUMƐ

⁶ E, Mari, n sewanɛ le ye sarakɛ dila i ma. N si baraka bira i ye ka i tɔgɔ tanto i nyimayɛla ko la.

Yaburi 54:6 ပူးပေါင်းရင်းမြစ်များ

Yaburi 107:22

Fɔ anu ba baraka-bira-sarakɛnu bɔ a ye. A ara ko-nyimɛ minnu kɛ anu ye, fɔ anu ni wonu takaran bɛti-diyamɛnu tɔ.

Yaburi 116:17

N si na baraka-bira-sarakɛnu na i ye ka i madiya.

Yaburi 118:7

N dɛnbɛnɛ le Mari la. N si nɔ-ko sɔrɔn n yogenu ma.

Yaburi 140:13

Telenbagɛnu si i matɔgɔ ka baraka bira i ye. A sɔgɛ si anu bira ka to i yakɔrɔ tolon!

Yaburi 147:1

Ma ni Mari tanto. A kin ko ma ni bɛti bɔ mata Alla ye, ado wo telenta, a bɛnnɛ.

Yaburi 21:13

E, Mari, ma si i tanto ila sɛnbɛ-makawanɛla ko la. Ma si bɛtinu bɔ ka ita sɛnbɛ matɔgɔ.

Yaburi 50:14

Kɔnɔ wo ni baraka-birɛ ma sarakɛ la n ye. Wo ara n yili-madiya fan min bɛɛla ko ma, wo ni wonu di nde, Mari Sɛnbɛ-Bɛɛ-Tigi ma.

Yaburi 52:9

Ka a tɛgɛ Alla ara min ma n ye, n si baraka bira a ye dɛɛ! N si baraka bira Alla ye mɔgɛ bɛɛ yala. N si a tɔgɔ-nyimɛ rakaran kan tinɛ bɛɛ rɔ.

Yaburi 7:17

N si baraka bira ile Mari ye ka a tɛgɛ ila telenbagayɛla ko ma. Ile Mari min bi fan bɛɛ kun na, n bi matɔgɔ-bɛti bɔla ile ye.

Yaburi 92:1

E, Mari, ka baraka bira i ye, wo kin dɔgɔma-ma-de! E, Alla Min Bi Fan Bɛɛ Kun Na, a kin ka bɛti bɔ ile le ye.

Aiseya 50:7

N mamɔɛn-bɔrɔ ma taran n ye bawo ma Tigi Mari ye n dɛnbɛna. N bara a latɛgɛ n yisi rɔ ko wo ti n miliya tun.

Aiseya 50:9

Ma Tigi Mari le n fɛkalɛ la. Ni a ye wo nya le, yon si n yiliki wo rɔ? Minnu bi tɔgɛ sala n na, wonu na si murun! Wonu si ma iko kisi wa kurɛ dɔn.