Yaburi 53:6 - ALLALA KUMƐ

⁶ N ya madiyali kɛ n sɛbɛ-kuna-wɛ la ko Mari min siginɛ Yerusalɛm soe burɔ, wo ni ata Isirɛla mɔgɛnu kisi. Ni Alla ya a ma, Isirɛla mɔgɛnu ni ma-a-la tun iko anu bi nya min nun fɔlɔ, anu si sewa wo rɔ dɔgɔma-ma-de!

Yaburi 53:6 ပူးပေါင်းရင်းမြစ်များ

Ɛsira 3:11

Anu ya Alla-tanto-bɛtinu bɔ ko, “Alla tanto bawo a kin, ala keninteyɛ ti ban Isirɛla mɔgɛnu bara-la habadan!” Bɛɛ ya a kuli mayɛlɛ anu sɛnbɛ la ka Mari tanto sewɛ la bawo anu bara Bato-Bon-kurukɛ-wɔlɛ laban.

Nihɛmaya 12:43

Mɔgɛnu ya saraka-siyaman nabɔ wulɔn tele rɔ, ado anu sewara dɔgɔma-ma-de bawo Alla le ya anu nasewa. Musinu anubɛ dennɛnu kofura anu ma. Mɔgɔ tenbi wula-yan la, a ye anu wɔyɔ-kan lamɔɛnna sewɛ bolo.

Yobu 42:10

Yobu ban madiyali kɛla a diyana-mɔgɔ sawɛ wonuna ko la, Mari ya a ma, ale Yobu mara-a-la tun. Ala nɔnfuli min tinyanta a bolo nun, a ya wo nyɔgɔn sigi tina fila sɔrɔn.

Yaburi 14:7

N ya madiyali kɛ n sɛbɛ-kuna-wɛ la. N ko Mari min siginɛ Yerusalɛm soe burɔ, wo ni ata Isirɛla mɔgɛnu kisi. Ni Mari ya a ma, Isirɛla mɔgɛnu ni ma-a-la tun iko anu bi nya min nun fɔlɔ, anu si sewa wo rɔ dɔgɔma-ma-de!

Yaburi 50:2

Yerusalɛm soe min kin, Allata waan ye malanna wo kuma.

Yaburi 85:1

E, Mari, i wara kinikini ila nyamanɛ ma nun. I wara a ma, Isirɛla mɔgɛnu bara sabati tun!

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 14:32

Ma si Filisitinuna kilayɛ yabi kama? Ma si anu yabi ko Mari ara ban Yerusalɛm kian banbanna. Ata mɔgɔ-tɔrɔnɛ si sigi lafɛrɛ rɔ nyɔ.

Yɛrɛmaya 30:18

Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yowɛli 3:1

Wo wati wa ke, Yuda anubɛ Yerusalɛm kɛnu bi nya min nun fen-tigiyɛ la, Mari ko a si wo lasɛgi wo gbɛ rɔ wo nya na tun.

Saraka-Masɔlɛnuta Tɔnnu 26:17

Nde nyɛrɛ si n kan-kɔ sɔ wo la. Wo yogenu si nɔ-ko sɔrɔn wo ma. Wo ma di mɔgɛ minnu ye, wonu si wo lamara. Wo si ma yutoenu na. Hali mɔgɔ sa wo gbenna, wo si wo buri.

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.