Yaburi 51:6 - ALLALA KUMƐ

⁶ Kɔnɔ ile ye nyinina min ma n yisi rɔ fɔ ko-latelennɛ anubɛ tonyɛ dɔrɔn. I ni n sɔndɔmɛ lafa ita hɛnkilimayɛ la.

Yaburi 51:6 ပူးပေါင်းရင်းမြစ်များ

2 Samuwɛli 12:13

Mansa Dawuda ya a sɔn a hakɛ la, a ko, “N bara bila Mari la.” Nɛbi Netan ya a fɔ a ye ko, “Mari ara i makoto, i ti faga.

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yobu 32:8

Kɔnɔ Alla Sɛnbɛ-Bɛɛ-Tigita niyi min bi mɔgɛ rɔ, wo le si hɛnkili di mɔgɔ ma.

Yobu 38:36

Yon si a fɔ kulangbɛ ye ko Nayɛli bɛ si lɛɛ yamatogon wati kɛ le ma? Yon si a fɔ dondɔn ye ko bandɛ natoe le kaka?

Yaburi 125:4

Mari, ko-nyimɛ kɛ ko-nyima-kɛlɛnu ye, minnu si ila kumɛ bira, kɔni.

Yaburi 15:2

Min bi Alla sako mumɛ bɛɛ kɛla ka ko-latelennɛ kɛ wati bɛɛ rɔ, ado a ti foninya fɔ.

Yaburi 26:2

Mari, n tasuma ka n nakɔrɔsi ka n kɔntɔ-koenu anubɛ nna miriyanu lɔn.

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Yaburi 41:5

N yogenu bi kuma-yogomɛnu fɔla nna ko rɔ. A sɔgɛ ye anu na, n ni faga alako mɔgɛnu ni nyina n ko salon!

Yaburi 5:9

Tonya-kuma-wo-kuma sa n yoge wonu da rɔ, fɔ kasarɛ gbansan! Fenfen sa anu da rɔ fɔ yanfanteya-kuma-teleka-telekɛnu. Anuna darɔ-diya-kumɛ wonu si mɔgɛnu natuntun lakira.

Hɛnkilimaya-Kumɛnu 2:21

Minnu natelennɛ Alla ye, wonu si taran anu diya mala nyamanɛ kɛ rɔ.

Hɛnkilimaya-Kumɛnu 2:6

Mari le si hɛnkilimayɛ anubɛ lɔnnɛ di mɔgɛ ma. Wo kɔma, a si a ma, i ni a nya-yen.

Yɛrɛmaya 12:1

Mari, ile min telennɛ, a bɛnta, n ni n yasere-masa ile le ye. Fɔ n ba i manyinika telenbagayɛ wara-koe ma. Nfenna karagbɛlɛnu bara-koe ye tala yarɔ? Nfenna telenbɛlɛnu nafɛrɛnɛ?

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Luka 11:39

Nba, Mari ya a fɔ a ye ko, “Wole Farisinu bi wola yi-lafɛnu anubɛ piletinu kɔmɛ makula kɔnɔ wo burɛ fanɛ karagbɛlɛyɛ anubɛ wunduyogoyɛ la.

Romu 7:22

ado n sewanɛ n yisi rɔ ka a tɛgɛ Allala tɔn wara-koe ma.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”