Yaburi 50:18 - ALLALA KUMƐ

¹⁸ Wo wa kankan-wo-kankan yen, wo si ma wo diyana-mɔgɛ la. Wobɛ yɛlannu bi tola ko kelen tɔ.

Yaburi 50:18 ပူးပေါင်းရင်းမြစ်များ

2 Samuwɛli 13:5

A fa-kinamala den Yonadabu ya a fɔ a ye ko, “I si min ma, ta i sa, i ni i nyɛrɛ lakiraya. I fa wa na i mafɛlɛn tinɛ, i ni a fɔ wo ye ko i dɔgɛ Tema ni na dɔn-fan te i ye yan tɔ. Ale Tema nyɛrɛ-nyɛrɛ ni i de-nyini.”

Aiseya 5:23

Dogonta-fan min bi dila wo ma mɔgɔ-yilikinɛla ko la, wo le ye a mala, wo ye a bolokala, a ni ta a ye fɛlɛlɛ! Wo ye kilɛ tɛgɛla mɔgɔ-magbalanɛnuna ko-latelenni-sɔrɔn ma.

Saraka-Masɔlɛnuta Tɔnnu 20:10

“Ni kei do ya a sa a ta-nyɔgɛla musi fɛ, Mari ko wo ni anubɛ musi wo faga.

Maika 7:3

Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.

Matiyu 23:30

Wo ye a fɔla ko ni wole ye wo benbanuta wati rɔ nun, anu ya min kɛ nɛbinu na ka anu faga, wole ti wo kɛ nun.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

1 Timoti 5:22

I kana gbaran i nyɛrɛ la ka i bole sa mɔgɔ kuma tiriya Marita wɔlɛla ko la. Ni i ya wo ma, wo wa bui, wo filɛ ara don hakɛ rɔ. I ni i nyɛrɛ mara sɛninyɛ rɔ wati bɛɛ.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.