Yaburi 50:15 - ALLALA KUMƐ

¹⁵ Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 50:15 ပူးပေါင်းရင်းမြစ်များ

2 Mansɛnu 20:2

Mansa Hɛsakaya ya a tintan dandan la ka matarali kɛ. A ko,

2 Ko-Kɔrɔta-Karan 20:9

Anu ya a lɔn ko kɛlɛ wo, kiraya-fitinɛ wo, kɔnkɔ-fitinɛ wo, anubɛ ni tɔrɔya-wo-tɔrɔya ya anu taran, anu si na anu sɔ Bato-Bɔn kɛ yarɔ ka i matara, i si anuna matarali-kan lamɔɛn ka anu dɛnbɛ.

Yobu 22:27

I wa a madiya tumɛ min, a si a wɔlɔ matɔlɔ i la. I wara lanyiri minnu kiri wobɛ Alla tɛma, i si wonu natɔnbagaya.

Yaburi 107:19

Wo tumɛ anu bi tɔrɔyɛ wo rɔ, anu dira Mari dala. A ya anu kunyɛ bɔ nyankankantan wo rɔ.

Yaburi 107:28

Wo tumɛ anu bi tɔrɔyɛ wo rɔ, anu dira Mari dala. A ya anu kunyɛ bɔ nyankankantan wo rɔ.

Yaburi 120:1

N bi nanparan rɔ tumɛ min, n ya Mari rakele n dɛnbɛn-koe la, ado a ya n denkun.

Yaburi 22:23

N si to a fɔla anu ye ko, “Wole Marita wɔli-kɛlɛnu, wo ni to a tantola. Wole Yakoba kegeyɛnu, wo ni Mari gbiliya.

Yaburi 34:5

Mɔgɔ-tɔrɔnɛnu ba anu yigi sa Mari kuma tumɛ min, anu si sewa. A ti anu baya hali!

Yaburi 34:7

Minnu bi Mari gbiliyala, ata melika si wonu kandan. A si anu tanka masibɛ ma.

Yaburi 4:2

E, wole n yogenu, wo ti fara n nafɛyɛ la? Kun-takolonya-kumɛnu anubɛ foninya-fɔɛ di wo ye, ado wo bilanɛ bɛsi-fuyinu fɛ tolon!

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Yaburi 77:2

N tenbi tɔrɔyɛ rɔ, n bi n tigi matarala. Ki-kudu, n bole siginɛ Alla ye ka a madiya kɔnɔ n sa yisi-kima sɔrɔnna.

Yaburi 77:3

N ba n miri Alla ma, fɔ di-kɛ-sumɛ si sigi n ma. N ba n miri a ma wɛ kɛ, fɔ n si ma kɔrɔn!

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Yaburi 86:7

N bi yakɔrɔ-mamɔɛ rɔ tumɛ min, n ya i rakele bawo i ye nna madiyali-kan lamɔɛnna.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Yɛrɛmaya 39:17

A ko a kilannɛ mɔgɛ minnu na, a ti a don wonu bolo.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Luka 22:44

Yisa tɔrɔta bɛrɛkɛ min kɛ, a ya madiyali kɛ bɛrɛkɛ! Wusi bɔra a ma iko yele ka tinti dugi ma.

Yɔni 15:8

Ni wo gbɔra bɛrɛkɛ, n Fa Allala gbiliyɛ si bɔ gbɛ rɔ wo fɛ. Woletɔ wo si ma nna karan-den-bɛrɛnu na.

Kɛwɔlɛnu 16:25

Suyi tɛma, Pɔli anubɛ Sailasi ye Alla matarala ka bɛtinu bɔ a ye, ado yelela-mɔgɔ-toenu tole masɔnɛ anu na.

Yemesi 5:13

Mɔgɛ donu tɔrɔnɛ wo tɛma, wa? Anu ni Alla matara. Donu sewanɛ, wa? Anu ni tantoli-bɛti bɔ.

1 Pita 4:11

Ni min bi kawandili bɔla, wo ni kuma iko a bɛnta, Allala kawandili-bɔlɛ ni kuma nya min. Ni min bi wɔli-gbɛrɛkɛ kɛla, wo tigi ni wɔli a sɛnbɛ la iko Alla ya a di a ma nya min. Woletɔ bɛɛ si Alla tanto koe bɛɛla ko la Yisa Kirasiti baraka rɔ, minta ye gbiliyɛ anubɛ sɛnbɛ la habadan! Amina.

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.

Kɛlɛ-Kurugbɛnu 15:19

Alla ya dugu punsɔgɔ Gbaga-Gbaga-Koloya nyɔ. Yi bɔra duk! Samsin ya yi wo do min tumɛ min, a niyi sara a fɛrɛ rɔ ka sɛnbɛ sɔrɔn. Anu ya nyɔ kele ko, “Keleli Kɛlata tenke.” Ha bi, tenke kɛ ye Gbaga-Gbaga-Koloya.