Yaburi 49:10 - ALLALA KUMƐ

¹⁰ Mɔgɛ bɛɛ ya a lɔn ko hɛnkilimɛ si faga. Kun-takolɔn fanan si na faga. Anu dama si anuna nɔnfuli wonu to anuna dannu bolo anu kɔma.

Yaburi 49:10 ပူးပေါင်းရင်းမြစ်များ

Yaburi 17:14

I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Yaburi 49:17

A wa faga, a ti ta ala nɔnfuli wo la a bolo. Anubɛ ala nɔnfuli wo ti ta, ado a si wo to a kɔma.

Yaburi 73:22

n mani de wo wati rɔ iko soge. N ma ile Mari lɔn.

Yaburi 89:49

E, n tigi, i wara ila keninteyɛ min fɔlɔn yira ma la, wo ye mi? I ya lanyiri minnu kiri Dawuda ye, wonu bi mi?

Yaburi 94:8

Wole ko-yogoma-kɛlɛnu, nfenna hɛnkili sa wo bolo? Wole ye hɛnkili sɔrɔnna muntuma?

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Hɛnkilimaya-Kumɛnu 12:1

Ni min si sɔn latelan ma, lɔnnɛ di wo tigi ye kɔnɔ ni min ti sɔn latelan ma, kun-takolɔn le wo la.

Hɛnkilimaya-Kumɛnu 14:24

Hɛnkilimɛ makiri-fan le ala nɔnfuli la kɔnɔ kun-takolɔn si lɔn ata kuntanyɛ fɛ.

Hɛnkilimaya-Kumɛnu 30:2

“N hɛnkili mani ma iko mɔgɛnutɛ. A mani de iko sogenutɛ.

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Yɛrɛmaya 10:8

Hɛnkilimɛ wonu hɛnkili sa, ado kuntan le anu na. Anuna hɛnkilimayɛ wonu bɔnɛ anuna bɛsi-fuyi wonu denu tɔ.

Yɛrɛmaya 17:11

Kona wa kɛwɔli do latii ale ma min sa, wo mani de iko mɔgɛ wa ma-a-la kensunteyɛ rɔ. Mɔgɛ wo siyi wa tala a tɛma, ala nɔnfuli bɛɛ si ban. Yanni a siyi ni ban, bɛɛ si a lɔn kuntan la.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.