Yaburi 48:14 - ALLALA KUMƐ

¹⁴ Wo si a fɔ anu ye ko, “Alla kɛ, mata habadan-Alla le. A si to kilɛ yirala ma la ha duninya si ban.”

Yaburi 48:14 ပူးပေါင်းရင်းမြစ်များ

2 Samuwɛli 7:24

I wara male Isirɛla mɔgɛnu ma i halalɛ la tɛban! Ile Mari le mata Alla la.

Yaburi 16:2

N ya a fɔ ile Mari ye ko, “N tigi le ile la. N ti ke fen-nyima sɔrɔnna n nyɛrɛ ma ni ile ma.”

Yaburi 25:9

Mari ye kila-nyimɛ yirala mɔgɔ-famayiginɛnu na. A si anu karan alako anu ni a sako lɔn.

Yaburi 31:14

Kɔnɔ Mari, nde lara ile le la. Nta Alla le ile la.

Yaburi 71:18

Kaka, n bara kinaya, n kunyɛ ara gbɛ. E, Alla, i kana i ban n na. N tenbi i sɛnbɛ wara-koe rakaranna n mamanɛnu ye, i ni taran n fɛ.

Yaburi 73:24

I ye n nabila-kilɛnu sala n kɔrɔ. Tɔ-a-la, i si n matɔgɔ ka n sɛnibɔ Arinyɛni tɔ.

Yaburi 73:26

Hali n miriya anubɛ n fɛrɛ ra ye tola fagala n ma kɔnɔ ile Alla si to sɛnbɛ dila n ma. N sa nyinina fenfen ma ile Alla kɔma habadan!

Hɛnkilimaya-Kumɛnu 8:20

N bi tagamana telenbagɛnuna kilɛ le fɛ. N bi lafisaya-kilɛ le ma.

Aiseya 58:11

Mari si to sɔla wo yarɔ. Wo ye nyinina min ma, a si wo wasa maka wonu na. A si wo kolo gbɛlɛya fanan. Wo si ma iko yi ye sundi min kɔrɔ. Wo si ma iko tenke-gbalabɛlɛ.

Nimisa Koe 3:21

Kɔnɔ n ba n miri ko kelen pe ma, wo le si a ma, n yigi ma ni diya.

Yɔni 16:13

Kɔnɔ Allala Ni-Sɛnimɛ min si tonyɛ labɔ gbɛ rɔ Alla wara-koe rɔ, wo wa na tumɛ min, a si tonyɛ bɛɛ yira wo la. A ti kuma a nyɛrɛta sɛnbɛ la fɔ a ya min namɔɛn yɛ, a si wo le fɔ wo ye. Koe minnu bi nala, a si wonu fanan fɔ wo ye.