Yaburi 47:5 - ALLALA KUMƐ

⁵ Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

Yaburi 47:5 ပူးပေါင်းရင်းမြစ်များ

2 Samuwɛli 6:15

Woletɔ Mansa Dawuda anubɛ Isirɛla mɔgɛ bɛɛ ye tala tɔn-kenkirɛ wo la Yerusalɛm soe burɔ tumɛ min, mɔgɛ bɛɛ sewanɛ. Anu bi gbele-gbelenna ka buri fɛ dɔgɔma-ma-de!

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

1 Ko-Kɔrɔta-Karan 16:42

Isirɛla mɔgɛnu si fɔli-fan minnu fɔ, anu tenbi tantoli-bɛtinu bɔla Mari ye, a buru wo, a karanya wo, a fɔli-fen-to wo, Himan anubɛ Yɛdutun le wonu namarala. Yɛdutunla den-keinu, wonu denu bi nyɔ-da makandan la.

Yaburi 150:3

Wo ni burinu bi a tanto tinɛ. Wo ni sɔrɔn anubɛ bɔlɔnnu bi a tanto tinɛ.

Yaburi 68:33

Alla min bi san-kole rɔ kebi fɔlɔ, wo ni siginu sa a ye. Wo ni wo tole masɔ. A si a labira a kulu-mayɛlɛnɛ la.

Yaburi 78:65

Kɔnɔ tɔ-a-la, Mari kundenta iko a ye kinɔgɛ le tɔ nun. A manɛ iko kei-ragbɛlɛ wa baan min, wo ye kerinteyala nya min.

Yaburi 81:3

Buru-fɛ ni a yira ko karɛ-kura-ladiya-wati ara ke. Karɛ wa kɔgɔ, ma si ladiyɛ kɛ tun.

Yaburi 98:6

Wo ni burinu fɛ a ye. Wo ni a lawɔyɔ mala mansɛ Mari ye sewɛ la.

Isikiyɛli 20:6

Wati wo le tɔ, n ya anu bɔ-koe latɛgɛ Iyipiti ka lanyiri kiri anu ye ta-koe la dugu-hakikɛ rɔ, n ya min yabɔ anu ye. Nyamanɛ wo dugi kin dɔgɔma-ma-de! Fan si nanfa a rɔ kubukubu!

Emɔsi 8:7

Wole fɛlɛtenɛnu, Isirɛla mɔgɛnuta Mari Alla ya lanyiri kiri wo ye a kila-bɛrɛbɛrɛ fɛ. A ko a ti nyina yila wonuna ko-yogomɛnu ko mumɛ!

Malakayi 2:3

A ko ka a tɛgɛ wo sɔn ma, a si wola dannu tɔrɔ. Wo ye kolo-fan minnu mala sarakɛnu na, a ko a si wo yakɔrɛ digin sarakɛ wonu nyɛ rɔ. Anu si wo bi ka wo lakɛ a rɔ nyɛ-rawuya-tinɛ.

Yilan-Yilan Koe 23:21

N bara a yen, wati ye nala, Isirɛla mɔgɛ kɛnu ti nanparan mumɛ sɔrɔn. Anuta Mari Alla ye anu fɛ. Anu si a fɔ ka a gbɛ feu, ko anuta mansɛ le Alla la.

1 Tɛsalonaika 4:16

Wo wa gbele-gbelen-kan lamɔɛn anubɛ melika-kun-tigi-kan anubɛ Allata buru-fɛ-kan, Mari nyɛrɛ si yigi ka bɔ Arinyɛni tɔ wo tumɛ le tɔ! Minnu dɛnkɛninyara Kirasiti ma ka faga dɛnkɛninyɛ rɔ, wonu fɔlɔn si wuli ka anu niyi lafɛ.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Yasowa 6:5

Anu ni buri fɛ anu nyɔgɔn fɛ wɛ kɛ. Isirɛla mɔgɛnu ba wo lamɔɛn tumɛ min, anu ni gbele-gbelen wɛ kɛ. Soe tarɛ si bui. Kɛlɛ-dannu si don soe burɔ worɔ.”

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”