Yaburi 47:1 - ALLALA KUMƐ

¹ Mɔgɛ bɛɛ ni lɛnkɛ gbesi ka sewa. Wo ni Alla-tanto-bɛtinu bɔ wo sɛbɛ-kuna-wɛ la.

Yaburi 47:1 ပူးပေါင်းရင်းမြစ်များ

2 Samuwɛli 6:15

Woletɔ Mansa Dawuda anubɛ Isirɛla mɔgɛ bɛɛ ye tala tɔn-kenkirɛ wo la Yerusalɛm soe burɔ tumɛ min, mɔgɛ bɛɛ sewanɛ. Anu bi gbele-gbelenna ka buri fɛ dɔgɔma-ma-de!

2 Mansɛnu 11:12

Saraka-Masɔla Yɛhoyada sɔra Yohasi yarɔ, anu bɔra Bato-Bɔn la mɔgɛ bɛɛ yala. Yɛhoyada ya mansaya-fulɛ sigi Yohasi salɛ la. Mansaya-tɔn minnu namaranɛ, a ya wonu don a karɛ tɔ. A ya dantɛgɛ-tuli kɛ a salɛ rɔ ka a ma mansɛ la. Mɔgɛnu ya lɛnkɛ gbesi. Anu ya a lasɔnkɔ, anu ko, “Alamɛ mala mansɛ mɛra ma kuma!”

2 Ko-Kɔrɔta-Karan 13:15

Yuda kɛlɛ-dannu ya a lasɔnkɔ, Mansa Abaya sɔnɛ anu yarɔ. Anu buira Isirɛla kɛlɛ-dannu ma. Alla ya Mansa Yɛrabowami anubɛ Isirɛla kɛlɛ-dannu nɔ ka le.

Yaburi 106:47

E, mata Mari Alla, ma lakisi. Ma bɔ sibolo-gbɛrɛnu yala, i ni na ma la tun, woletɔ ma si i wɔli-nyimɛ lɔn ka i tɔgɔ-sɛnimɛ tanto.

Yaburi 42:1

E, Alla, iko yi-kimani-sɔgɛ si woyan bira nya min, i sɔgɛ si n bira wo nya na le.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 47:5

Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

Yaburi 98:4

Mɔgɛ bɛɛ ni bɛti bɔ Mari ye sewɛ la duninya rɔ. Bɛɛ ni a matɔgɔ-bɛti bɔ nya-kun-kelen.

Yaburi 98:8

Ba-yinu ni lɛnkɛ gbesi. Wole kɔnkɛnu ni bɛti bɔ sewɛ la wo nyɔgɔn fɛ Mari yala

Aiseya 55:12

Wo kunyɛ sewanɛ si bɔ biralɛ rɔ ka nyɔ boloka yisi-kimɛ rɔ. Kɔnkɛnu anubɛ gburukulinu si bara sigi-sa-tinɛ wo yala. Kɔlɔma bɛɛ si lɛnkɛ gbesi.

Yɛrɛmaya 31:7

Mari ko bɛɛ ni sewa ka sigi sa wole, Isirɛla mɔgɛnuna ko la. Anu ni anu kuli mayɛlɛ Isirɛla nyamanɛla ko la min makawanɛ nyamanɛ bɛɛ ko. Anu ni matɔgɔ-bɛtinu bɔ ko, “Mari ara ala mɔgɛnu nakisi. A toe min tonɛ, a ara wo bɛɛ kunka.”

Sɛfanaya 3:14

E, wole Isirɛla mɔgɛnu, wo kulu-mayɛlɛnɛ ni sigi sa ka nyagalen wo yisi rɔ! Wole Yerusalɛm kɛnu, wo ni nyagalen wo yisi bɛɛ la.

Sakaraya 4:7

A ko hali fan minnu kolo iko kɔnkɛ, wo si tunu Mansa Sarababulu yarɔ yen! Wo si ma iko lɛɛ. A ko ale Sarababulu si Bato-Bɔn sɔ-kura-kɛ tun, ado ale ye Bato-Bon-kuri laban sigila tele min ma, mɔgɛnu si a fɔ ko, “Alamɛ Marita duwɛ tora a kuma.”

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

1 Samuwɛli 10:24

Samuwɛli ya a fɔ mɔgɛnu ye ko, “Wo ara a yen Mari ara mɔgɛ min yabɔ? A nyɔgɔn-takɛn sa wo do-wo-do rɔ yan tɔ.” Mɔgɛ wo bɛɛ ya anu kan nabɔ anu nyɔgɔn fɛ anuna mansa kura wo ye ko, “Alamɛ i mɛra!”