Yaburi 46:10 - ALLALA KUMƐ

¹⁰ Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Yaburi 46:10 ပူးပေါင်းရင်းမြစ်များ

1 Mansɛnu 18:36

Saraka bɔ tumɛ kenɛ wurɛ la iko anuna namu ye nya min, Nɛbi Ilaya ya a madon saraka-mintan-tinɛ wo la. A ya Alla matara. A ko, “E, Mari, Iburayima anubɛ Isiyaka anubɛ Yakobata Alla, kɔni, a yira mɔgɛ kɛnu na bi ko Isirɛlata Mari Alla le ile la. Anu ni a lɔn ko ila wɔli-kɛlɛ le nde la. Anu ni a lɔn fanan ko n bi min bɛɛsi mala kɛ la, ile le ya wonu fɔ n ye.

2 Mansɛnu 19:12

N benbanu ya Koson kɛnu nɔ anubɛ Hɛran kɛnu anubɛ Resɛfu kɛnu anubɛ Idɛn kɛnu minnu bi Tɛlasa nyamanɛ rɔ, ado wonuna bɛsɛnu ma ke anu kunkala anu benba wonu bolo.

2 Mansɛnu 6:23

Wo le ya a to, Isirɛla mansɛ ya ladiyɛ kɛ anu ye. A ban anu nafala, a ya anu nasɛgi anuna mansɛ ma. Ka a dabira wo-wulɔn-tele ma ha, Siriyanu ma bui Isirɛla mɔgɛnu ma tun.

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 21:13

E, Mari, ma si i tanto ila sɛnbɛ-makawanɛla ko la. Ma si bɛtinu bɔ ka ita sɛnbɛ matɔgɔ.

Yaburi 37:15

Kɔnɔ karagbɛlɛ wonu tɔgɔ si to anuna faan wonu na. Anuna kalabɛn wonu ta si murundu.

Yaburi 57:5

E, Alla, a ma, ma ni ila kabana-koenu yen san-kole rɔ ka ita gbiliyɛ yen dugu-kole bɛɛ kuma.

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Yɛrɛmaya 49:35

A ko Ilam kalabɛn-nakɛla-wɛ minnu bara Ilam soe tɔgɔ bɔ, a ko a si wonu firan feya!

Isikiyɛli 30:8

N ba tɛ tugu Iyipiti nyamanɛ la, anubɛ a kɛlɛ-den-masannɛ bɛɛ kunyɛ wa to-a-rɔ, bɛɛ ye a lɔnna wo le ma ko Mari le nde la.

Isikiyɛli 38:23

Wo wa ma tumɛ min, ale Mari si a yira sibole bɛɛ la ko a makawara, ado a sɛnima. Anu si a lɔn ko Mari le ale la.

Isikiyɛli 39:3

N si a bolo-maran gbesi a la, a kalɛ ni bui. N si a bolo-nyimɛ fanan gbesi a la, a bɛnnu fanan ni bui.

Maika 4:3

“Mari si kɛlɛ-nyɔgɔnyɛ ban duninya-mɔgɛnuna kun-tiginu tɛma. Mari si yisi-kimɛ lana anu tɛma ha anu si anuna faannu yɛlɛma sɛni-kɛ-dɛɛnu na. Anu si anuna tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma tun!

Habakuku 2:20

Mari ye a warɛ Arinyɛni tɔ. I tenbi a yakɔrɔ, mɔgɛ bɛɛ ni a sigi-a-la don!

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Yasowa 11:6

Mari ya a fɔ Yasowa ye ko, “I kana kilan mɔgɛ kɛnu na. N si mɔgɛ kɛnu don wo bolo. Yanni kɛ-nyɔgɔn-tumɛ sina, anu bɛɛ si faga. Wo ni anuna soeenu kin-kɔma-fasɛnu natɛgɛ ka anuna kirindinu mintan.”

Yasowa 11:9

Yasowa ya a ma iko Mari ya a fɔ a ye nya min ka anuna soeenu kin-kɔma-fasɛnu natɛgɛ ka anuna kirindinu mintan.

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.

1 Samuwɛli 2:4

Kɛlɛ-dannuna kalabɛn kalɛ ra ara keri. Kɔnɔ kɛlɛ-dan min ta ma gbɛlɛ nun, wonu bara sɛnbɛ sɔrɔn kaka.