Yaburi 46:1 - ALLALA KUMƐ

¹ Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 46:1 ပူးပေါင်းရင်းမြစ်များ

Ko-Dabirɛnu 22:14

Iburayima ya kan-tinɛ wo tɔgɔ sa “Mɔgɔ Mako-Nyinya-Tinɛ Mari Bolo,” ado ha bi, mɔgɛnu bi a fɔla kɔnkɛ wo ma ko, “Mari si mɔgɛ makoe nyinya ata kɔnkɛ kɛ le kuma.”

Yaburi 14:6

Miriya min bi mɔgɔ-famayiginɛnu bolo, karagbɛlɛnu kɛnɛna wonu tinyana. Kɔnɔ hali wo, Mari ye ale mɔgɔ-famayiginɛnu dɛnbɛna.

Yaburi 142:5

N bi ile Mari rakelela n dɛnbɛn-koe rɔ. N natankalɛ le ile la. Ile le n sigi-kunya bɛɛ la, ado n mako ti taran fenfen na.

Yaburi 145:18

Minnu bi a rakelela, a gbɛrɛnnɛ wonu denu ma, minnu bi a rakelela tonyɛ la, kɔni.

Yaburi 42:1

E, Alla, iko yi-kimani-sɔgɛ si woyan bira nya min, i sɔgɛ si n bira wo nya na le.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 48:1

Mari makawara. Matɔgɛ bɛnta ale le ma. Wo ni a gbiliya ata kɔnkɔ-sɛnimɛ kuma, a halala-soe ye kan min.

Yaburi 66:1

Mɔgɛ bɛɛ ni a lawɔyɔ ka Alla tanto.

Yaburi 84:1

E, Mari Sɛnbɛ-Bɛɛ-Tigi, i Bato-Bɔn di n ye kosɛbɛ!

Yaburi 85:1

E, Mari, i wara kinikini ila nyamanɛ ma nun. I wara a ma, Isirɛla mɔgɛnu bara sabati tun!

Yaburi 87:1

Mari ya ata soe datɛgɛ kɔnkɔ-sɛnimɛ kuma.

Yaburi 9:9

Mɔgɔ-tɔrɔnɛnu dogon tinɛ le Mari warɛ la. Anu tenbi kɔndɔfili rɔ, i si anu natanka.

Hɛnkilimaya-Kumɛnu 14:26

Ni min kilanta Mari la, wo yili latɛgɛni de, ado anubɛ ala denbayɛ la si fɛrɛ.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Luka 13:34

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Tɔn-Fɔɛ-Fila-Nyɔgɛ 4:7

Musa ya a fɔ kɛ kɔma tun ko, “Hali sibolo-gbɛrɛkɛ-mɔgɛnu siya ka tenbi ma la, anuta bɛsɛnu sa anu dɛnbɛna iko mata Mari Alla ye ma fɛ nya min ka ma dɛnbɛ ni ma ya a tɔgɛ rakele wati min.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!