Yaburi 45:6 - ALLALA KUMƐ

⁶ Alla ara mansayɛ min di i ma, wo si to i bolo burubukai! I si ila mɔgɛnu mara telenbagayɛ rɔ.

Yaburi 45:6 ပူးပေါင်းရင်းမြစ်များ

2 Samuwɛli 23:4

wo mani de iko sun-tele min bi sɔla kunbi la, ado tele anubɛ bandɛ le binyɛ lanɔrɔnna.

Yaburi 145:13

Habadan-koe le ila mansayɛ la, ado ila mansayɛ si to nyɔ tolon! Mari si ata lanyiri bɛɛ latɔnbagaya. A si koe bɛɛ ladan kinikinɛ le tɔ.

Yaburi 89:29

Fananta san-kole ye nyɔ, mansayɛ ti bɔ ala bɔn la. Tuma-wo-tuma, a kegeyɛ do si to mala mansɛ la.

Yaburi 93:2

E, Mari, kebi fɔlɔn, ila mansayɛ ye sɛnbɛ rɔ. Yanni duninya ni dan, i ye nyɔ nun.

Yaburi 98:9

bawo a nara duninya mumɛ bɛɛ le mara tinɛ. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Yilan-Yilan Koe 24:8

Alla ya anu nabɔ Iyipiti. A si kɛlɛ kɛ Isirɛla mɔgɛnu ye iko sigi-dalamɛ. Anu si anu yogenu faga ka anu kolenu takeri ka anuna kalabɛnnu takerikeri.

Yɔni 1:1

Yanni Alla ni duninya dan, anu bi ale min kelela Kumɛ, a ye nyɔ nun. Alla ye kan min, ale Kumɛ fanan ye nyɔ, ado anubɛ Alla, kelen de anu na.

Tɔn-Fɔɛ-Fila-Nyɔgɛ 32:42

Mari ko yele si bɔ ata kalabɛn-sungbannu na ka tinti dugi ma. A ma di minnu ye, ata faan si wo bɛɛsi faga le. A yoge fenfen ti to a niyi la, hali mɔgɔ-tanbannɛnu anubɛ mɔgɔ-biranɛnu fanan si faga.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.