Yaburi 45:3 - ALLALA KUMƐ

³ Ile mansa-sɛnbɛmɛ, ila faan dun i kawɛ la, ile mansa-makawanɛ min bi ko-makawanɛ kɛla, kɔni.

Yaburi 45:3 ပူးပေါင်းရင်းမြစ်များ

Yobu 1:16

Yanni wo ni a kuman-kan wo laban, kilayɛ do burumatoe nara tun. Wo ya a fɔ ale Yobu ye ko, “San gbalamɛ ara ila saga-fɛ-biralɛnubɛ ila saga bɛɛsi faga tɛrr, fɔ nde min kelan kunyɛ bɔra a rɔ!”

Yaburi 104:1

N ni Mari tanto n sɔndɔmɛ bɛɛ la! E, nta Mari Alla, i makawara dɔgɔma-ma-de! I makirinɛ mansayɛ anubɛ gbiliyɛ la.

Yaburi 145:12

alako bɛɛ ni ila wɔli-makawanɛ nya-yen. Bɛɛ ni ila mansaya-gbiliyɛ lɔn.

Yaburi 145:5

Anu si to ila gbiliyɛ anubɛ mansaya-mankan fɔla anu ye. N si to n mirila ila wɔli-makawanɛnu ma.

Yaburi 21:5

Ka a tɛgɛ ila dɛnbɛnɛ ma, a ya gbiliya-belebele sɔrɔn. Ile Mari ya a ma mansa-tɔgɔlamɛ la. A mankan tara wuu!

Yaburi 21:7

Ale mansɛ lanɛ ile Mari Sɛnbɛ-Bɛɛ-Tigi la ka a tɛgɛ ile Marita keninteya-dannatɛgɛbɛlɛ ma. Mansayɛ ti bɔ ala bɔn la.

Yaburi 96:6

A mayiginɛ kinyɛ anubɛ gbiliyɛ tɛma. Ala Bato-Bɔn lafanɛ sɛnbɛ anubɛ nyimayɛ la.

Keninteya-Siginu 2:3

Ile mani de kemini-mɛsɛnu tɛma n yala iko kura-kɔn min bi gbɔngbɔn rɔ. I ninɛ-lasigi di. I gbɔɛ fanan dɔn di i kɔrɔ.

Keninteya-Siginu 5:13

A gban kin iko nakɔɛ min nafanɛ fen-suma-diyama-su bɛɛ la. A da-gbole layawanɛ iko baga-fere. A da-gbole makimanɛ fen-suma-diyamɛ la. A bolo-kalɛ manɛ iko sɛnɛ-kɔlɔma.

Aiseya 49:2

A ya nna kumɛnu dɛ lasa iko faan. A ya n yamasansan a kɔɛn la. A ya n ma iko kalabɛn-nasulennɛ. A ya n namara iko kalabɛn tenbi a sa-bɔrɛ rɔ.

Kɛwɔlɛnu 10:36

A ya kumɛ min nake Isirɛla mɔgɛnu ma ka yisi-kimɛ kibara-nyimɛ fɔ Yisa, Allata-Mɔgɔ-Yabɔnɛ baraka rɔ, wo ya wo lɔn. Bɛɛta Mari le wo la.

Romu 14:9

ado Kirasiti fagara ka wuli ka niyi lafɛ tun alako a ni ma Mari la kɛndɛwaganu anubɛ furinu ye.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Hiburunu 8:1

Ma ye koe min fɔ tinɛ wo ye kɛ la, wo kunyɛ le kɛ la. Saraka-masɔla-kun-tigi-wɛ ye ma bolo min siginɛ Allata mansaya-waganɛ kɔɛn-nyimɛ rɔ Arinyɛni tɔ.

Yude 1:25

Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.

Lankɛnimayɛ 1:16

Lolo wɔrɔnfilɛ biranɛ a bolo-nyimɛ rɔ. Faan-da-filɛ min dɛ ye a la bɛrɛkɛ, wo ye bɔla a da rɔ. A yakɔrɛ ye malanna iko tele tenbi bɔla tele latelan.

Lankɛnimayɛ 19:15

Faan-da-diyamɛ ye bɔla a da rɔ a si sibolenu nɔ min na. A si mansayɛ kɛ anu kun na ka anu mara nɛgɛ-gbelekɛ la. A si nɔnbɔ-gbɔɛ radɔn a kian la ka a yi labɔ iko baan, ado Alla Sɛnbɛ Bɛɛ Tigita diminya-belebele-wɛ si anu sugun kan min a radɔn tinɛ wo la.

Lankɛnimayɛ 19:21

Faan min bi bɔla so-laburilɛ wo dɛ rɔ, wo ya anuna kɛlɛ-dannu faga. Kona bɛɛ ya wonu fɛrɛ-bɔnkɛ dɔn ha anu fara pen!