Yaburi 45:17 - ALLALA KUMƐ

¹⁷ Nna bɛti kɛ si a ma, ila mansaya-mankan ni to koloyala burubukai! Mɔgɛ bɛɛ si to i matɔgɔla habadan!

Yaburi 45:17 ပူးပေါင်းရင်းမြစ်များ

Yaburi 138:4

E, Mari, duninya-mansɛ mumɛ bɛɛ si i matɔgɔ bawo i wara yili-madiya-kumɛ minnu fɔ, anu bara wonu namɔɛn.

Keninteya-Siginu 6:9

kɔnɔ wo damasi rɔ, i kelen pe le di n sɔn-kole ye. Nna kura-kangbɔɛ, fɛɛ-wo-fɛɛ sa i la. I kelen pe le keninɛ i na bolo ka tenbi i na-kelen-nyɔgɛ bɛɛ la. Sunkurun-mɛsɛnu bi i mafɛlɛnna ka i matɔgɔ. Hali mansɛla musinu anubɛ a fɛ-sigi-musinu bi i matɔgɔ-siginu sala.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Aiseya 61:9

A ko wola dannu si ma mɔgɔ-malɔnnɛ la duninya bɛɛ rɔ. Wo mamanɛnu fanan ma si lɔn kan tinɛ bɛɛ rɔ. Mɔgɔ-wo-mɔgɔ ya anu yen, wo si a lɔn yati, ko Allata duwɛ ye anu fɛ.

Aiseya 62:3

Wole, ata mɔgɛnu si ma Mari kɔɛn rɔ iko mansaya-fula-hakikɛ.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Matiyu 26:13

Nba, wo ni wo hɛnkili to kɛ ko! Kibara-nyimɛ kɛ kawandilɛ wa bɔ duninya kan tinɛ min bɛɛ rɔ, musi kɛ ara min kɛ, mɔgɛnu si wo fɔ alako wo si to mɔgɛnu yili ma nya min.”

1 Kɔrɛnti 11:26

Wo tenbi biredi kɛ dɔnna ka wo min tuma-wo-tuma, wo si wo miri Marita saya-koe ma ka to a fɔla ha a ni na tumɛ min,