Yaburi 45:1 - ALLALA KUMƐ

¹ N bi n mirila bɛti kɛ ma mansɛla ko la tumɛ min, kuma-nyimɛnu ya n sɔndɔmɛ lafa. N nagankuri mara iko sɛbɛli-kalɛ tenbi sɛbɛli-kɛla-nyimɛ bole la.

Yaburi 45:1 ပူးပေါင်းရင်းမြစ်များ

2 Samuwɛli 23:2

“Marita Ni-Sɛnima kumara n ye. Ala sarakanɛ wo ye n da rɔ.

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Yobu 33:3

N bi nala min bɛɛ fɔla, n bi wo fɔla n yisi bɛɛ la, ado wo bɛɛ tonya.

Yobu 34:4

Kumɛ min bi anubɛ Alla tɛma, ma ni wo fɔ wona. Ni koe min telennɛ, ma ni wo latɛgɛ ma nyɛrɛ ma wona.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 42:1

E, Alla, iko yi-kimani-sɔgɛ si woyan bira nya min, i sɔgɛ si n bira wo nya na le.

Yaburi 49:3

Hɛnkilimaya-kumɛ le bɔla n da rɔ. Ko-kɔrɔ-lɔn-hɛnkili le ye n bolo.

Yaburi 69:1

E, Alla, n kisi. Yi ara n bira n kan la.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Hɛnkilimaya-Kumɛnu 16:23

Yanni hɛnkilimɛ ni kuma, a si a miri. Ni a ya kuma-wo-kuma fɔ, hɛnkilimaya-kuma-bɛrɛbɛrɛ le wo la min si mɔgɛ karan a kilɛ fɛ.

Keninteya-Siginu 1:12

Ile nna mansɛ tenbi sani i warɛ bɔn la, n bi i mamunna tuli min na, wo suma-diyamɛ si ila bolɔn bira-a-la.

Aiseya 5:1

N tenbi sigi sala, wo ni wo tole masɔ n na. Sigi kɛ ye sala n diyana-mɔgɛ anubɛ ala ki-fan denuna ko la. Nakɔɛ do ye n diyana-mɔgɛ bolo nun. A ye dugu-nyimɛ rɔ kɔnkɛ ma.

Matiyu 12:35

Mɔgɔ-nyimɛ si ko-nyimɛ labɔ ata nyimayɛ rɔ. Sɔn-yogoma-tigi si ko-yogomɛ labɔ ata sɔn-yogomɛ rɔ.

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 27:37

Mɔgɛnu ya a maburi minna ko la, anu ya wo sɛbɛ ka a sa a kunyɛ kuma. A ko, “Yahudiyanuna Mansa Yisa le kɛ la.”

Ɛfɛsa 5:32

Tonya-ba ara bɔ gbɛ rɔ kan-tina-kelan wo rɔ. Wo ye Kirasiti anubɛ ata mɔgɛnuna ko fɔla.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.