Yaburi 44:3 - ALLALA KUMƐ

³ Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Yaburi 44:3 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

2 Ko-Kɔrɔta-Karan 20:7

Mata Alla le ile la. I ya ila Isirɛla mɔgɛnu nana nyamanɛ kɛ rɔ tumɛ min, yanni ma ni na mɔgɛ minnu bi yan nun, i wara anu gben ma yarɔ nun, ado i ya Isirɛla nyamanɛ kɛ di i diyana-mɔgɛ Iburayima bɔnsɔn ma ka ma anu halala-nyamanɛ la burubukai!

Yaburi 111:6

A ya sibolo-gbɛrɛnuna nyamanɛnu di ata mɔgɛnu ma nya min, wo ara ata fanka yira anu na.

Yaburi 17:7

Ila keninteya-dannatɛgɛbɛlɛ yira n na ka n nakisi. Ni n bi i dafɛ, n nakananni de n yogenu ma worɔ.

Yaburi 20:6

N bara ban a lɔnna ko Mari si a ma, ata mansa-yabɔnɛ ni nɔ-ko sɔrɔn a yogenu ma. A si a yabi Arinyɛni tɔ. Ata sɛnbɛ-makawanɛ si a ma, mansɛ wo ni nɔ-ko sɔrɔn.

Yaburi 4:6

Mɔgɔ-siyaman kɛnɛna a fɔla ko, “E, Mari, a ma, ma ni sabati tun. I ni ko-nyimɛnu kɛ ma ye.”

Yaburi 42:11

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Yaburi 42:5

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Yaburi 74:11

Nfenna i wara i kɔɛn bɔ ma wara-koe rɔ. Nfenna i wara i kɔɛn madon i la?

Yaburi 77:15

I ya ila mɔgɛnu kisi ila sɛnbɛ-wɛ la, Yakoba anubɛ Yusufu kegeyɛnu, kɔni.

Yaburi 78:55

Iko ala mɔgɛnu bi tala nya min, a tora nyɔ-sigila-kɔrɛnu gbenna wo nya na le. A ya nyamanɛ ratala Isirɛla bɔnsɔnnu na. A ya anu yogenuna bɔnnu natenbi anu ma.

Yaburi 80:16

Ma yogenu ya ma malanfan ka tɛ tugu ma la. I kolan firindi anu ma ka anu halaki.

Yaburi 80:9

I ya nyɔ kumaka alako a ni nanfa. A suli yigira saru! A ya a bolɔnnu nata nyamanɛ-tonko-nanɛ bɛɛ rɔ.

Bɔ-Koe-Iyipiti 15:16

Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Yilan-Yilan Koe 14:8

Ni Mari nyagalenta ma la, a si ta ma la nyamani-hakikɛ wo rɔ ka nyɔ di ma ma.

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

Tɔn-Fɔɛ-Fila-Nyɔgɛ 10:15

Kɔnɔ a ya wo benbanu keni nya min, wo gbɛlɛ gben! A ya wole ma mɔgɔ-yabɔnɛnu na sibolo-mɔgɛ doinu tɛma duninya rɔ. Ha bi, wo manɛ mɔgɔ-yabɔnɛnu na a bolo.

Yasowa 24:12

A ya a ma, anu kumakɔra ka Amora mansa filɛ wonu gben anuna nyamanɛ rɔ. Wole ma wonu gben wota kɛlɛ-kɛ-fannu na.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.