Yaburi 42:9 - ALLALA KUMƐ

⁹ Alla min bi n natankala, n si a fɔ wo ye ko, “Nfenna i wara nyina n ko? Nfenna n tɔrɔnɛ ni to n yogenuna karagbɛlɛyɛ la?”

Yaburi 42:9 ပူးပေါင်းရင်းမြစ်များ

Yaburi 13:1

E, Mari, i si to nyinala n ko ha wati nyamintan? I si to i dogonna n ma ha wati nyamintan?

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 28:1

E, n natankalɛ Mari, n bi dila i dala n dɛnbɛn-koe la. I wɔlɔ matɔlɔ n di-kɛ-kan la. Ni ile ma n yabi, n basantoe le lakira-mɔgɛnu na.

Yaburi 38:6

N yisi tinyanta dɔgɔma-ma-de! N ti ke n nasɔla tun. Telen-gbɛn, n bi dila.

Yaburi 43:2

N natankalɛ le ile la. Nfenna i wara n boloka? Nfenna n tɔrɔnɛ ni to n yogenuna karagbɛlɛyɛ la?

Yaburi 55:3

N yogenu kuman-kan makilanta. N yisi tinyanɛ karagbɛlɛnuna ko la. Anu bi a mala, tɔrɔyɛ ye buila n ma wati bɛɛ. Nna ko siginɛ anu sɔn ma, ado n gbo anu ye lass!

Yaburi 62:2

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Yaburi 77:9

Alla ara a ban kinikinina ma ma le, wa? Ala fondo-bɔɛ ara ala hinanteyɛ-gbɛ bi ma bolo le, wa?”

Yaburi 78:35

Anu ya anu miri a ma tun ko anuna kanannɛ le ale Alla la. Anu ya anu miri ko Alla Sɛnbɛ-Bɛɛ-Tigi le wara na anu dɛnbɛ.

Yaburi 88:9

N yɛ ma ara bira tɔrɔyɛ bolo. Mari, tele-wo-tele, n bi i rakelela. N bole siginɛ le i ye madiyalɛ rɔ tolon!

Yaburi 92:3

Mari, n si to i matɔgɔla bɔlɔn la ka sɔrɔn-diyamɛnu fɔ i ye.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Aiseya 40:27

Kɛ dama rɔ, wole Isirɛla mɔgɛnu bi tola gbunyala ka a fɔ ko Mari ma wo tɔrɔ-koenu lɔn. Wo ko hali wo tora telenbɛlɛnu bolo la, Marita sa wo rɔ.

Aiseya 49:15

Woletɔ Mari ye anu yabila ko denba-tigi si nyina ata dan ko, wa? A si ke a banna a sɔrɔn-dan la? Hali a mara, musi ni nyina ala dan ko kɔnɔ Mari ti nyina male ko muk!