Yaburi 42:6 - ALLALA KUMƐ

^6-7 N bi n yogenu bolo min kɛ, n yisi tinyanɛ bawo kɛlɛ ara ta n na. Wo le ya a ma, n ya n miri nta Alla ma. Alla ara yakɔrɔ-mamɔɛ lana n ma iko wasa-belebele-wɛ tenbi sɔnkɔla kurinu kuma. A kuman-kan manɛ iko wasɛ min bi bɔla Hɛrɔman anubɛ Misa kɔnkɛnu kuma ka ta a labila Yorodan bɛ ma.

Yaburi 42:6 ပူးပေါင်းရင်းမြစ်များ

2 Samuwɛli 17:22

Wo le ya a ma, Mansa Dawuda anubɛ ala mɔgɛnu donta bɛ-tɛgɛ rɔ. Yanni banda-ka-da-pinpi ni ke, anu banta tenbila.

2 Samuwɛli 17:27

Mansa Dawuda kera Mahanayim soe burɔ tumɛ min, anu ya Nɛhasila den Amon Mansa Sobi taran nyɔ min bɔra Raba soe burɔ. Anu bɛnta Amiyɛlila den Makiri la min bɔra Lodiba soe burɔ. Anu bɛnta Basilayi fanan na min bɔra Rokɛlim soe burɔ Kaliyadi nyamanɛ rɔ.

Yaburi 133:3

Kan kelan wo mani de iko duri tenbi yigila Hɛrɔman kɔnkɛ ma, ni wo ma, duri min bi yigila Yerusalɛm kɔnkɛ ma. Mari ara ma yili-madiya habadan-nimayɛ la nyɔ le.

Yaburi 22:1

E, nta Alla, nfenna i wara n boloka? N bara n kan nabɔ i ma alako i ni n dɛnbɛ kɔnɔ ha bi, i ma na wɛ.

Yaburi 43:4

Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

Yaburi 43:5

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Yaburi 61:2

Hali n fɛ-yan n barɛ la, ado n bi yisi-tinyɛ rɔ, n si i tɔgɛ rakele. Ta n na kan-tina-latankanɛ rɔ

Yona 2:7

N ya a lɔn tumɛ min ko n bara gbɛrɛn kanba-dɛ ma, n ya ile Mari matara. I ya n kuman-kan lamɔɛn ita bon-sɛnimɛ la.

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Matiyu 27:46

Tele-makima-wati, Yisa gbele-gbelenta. A ko, “Ilaya, Ilaya, lama sabakatani?” Wo kɔrɛ le, “Nta Alla, nta Alla, i wara n boloka nfenna?”