Yaburi 42:2 - ALLALA KUMƐ

² Ile Alla-nimɛ sɔgɔ-bɛrɛbɛrɛ ye n na. N si ta i taran muntuma ka i bato?

Yaburi 42:2 ပူးပေါင်းရင်းမြစ်များ

Yobu 23:3

Alako nun, n si a lɔn a ye kan min. Alako nun, n ya ala kiti tɛgɛ tinɛ lɔn.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 43:4

Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

Yaburi 63:1

E, Alla, nta Alla le ile la n si min bato. N bi surula i nyinina. I sɔgɛ ye n sɔndɔmɛ la. I sɔgɛ ye n fɛrɛ mumɛ la iko dugu-gbalanɛ ye nyinina yi ma nya min.

Yaburi 63:3

Ila hinɛ wo fisa n ye niyi nyɛrɛ ko. Woletɔ n si i tanto.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Yaburi 84:2

Nyɔ-sɔgɔ-bɛrɛbɛrɛ ye n na. A di n ye n ni to i Bato-Bɔn la dɛɛ! N bara n fanka ban sigi-sɛ la ile Alla-nimɛ ye.

Yaburi 84:4

Minnu siginɛ i Bato-Bɔn la, wonu sewanɛ dɔgɔma-ma-de! Anu bi i matɔgɔla tolon!

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Bɔ-Koe-Iyipiti 23:17

“Kei bɛɛsi ni ta nde, Mari Allata ladɛn sawɛ kɛnu tɔ ka nde, Mari Sɛnbɛ-Bɛɛ-Tigi bato.

Aiseya 26:8

Ma ye i sako kɛla ka ma yigi sa ile rɔ. Ma ye nyinina fan min bɛɛsi ma, ile le wonu kun-bira-yili la ma ye.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Yɔni 5:26

Iko n Fa Alla si niyi di mɔgɛ ma nya min, a ara sɛnbɛ di nde, ala dan ma ko n ni niyi di mɔgɛ ma wo nya na le.

Yɔni 7:37

Ladiya-tele wola ban, min bi a bɛrɛbɛrɛ-wɛ la, Yisa ya a lasɔ. A kumara a kulu-mayɛlɛnɛ la ko, “Ni min kan lagbalanɛ, a ni na nde wara ka a min.

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.