22 Nna kisilɛ anubɛ n tigi Mari, n madɛnbɛ tiriya!
Mari, n bi i rakelela. I yandi, n dɛnbɛ tiriya! N ba i rakele, i ni i wɔlɔ matɔlɔ n na.
N yogenu bara a mini n ma iko mɔgɛ tenbi sɔni Basan tura-feremɛnu tɛma.
Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.
E, Mari, i latiriya n dɛnbɛna. I ni n nakisi.
N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.
Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.
E, Alla, bolo-kolɔn le n na. N sɛnbɛ sa. E, Alla, na n dɛnbɛ tiriya! E, Mari, nna kisilɛ le ile la. I yandi, i latiriya n dɛnbɛna.
E, Alla, i kana ta n ma wula la. Nta Alla, na n dɛnbɛ tiriya!
Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.
