Yaburi 38:20 - ALLALA KUMƐ

²⁰ Minnu bi ko-nyimɛ sarala ko-yoge la, wonu bi n kan ma bawo n bi n tayala ko-latelennɛ kɛ tinɛ.

Yaburi 38:20 ပူးပေါင်းရင်းမြစ်များ

Yaburi 142:7

N kunka nna tɔrɔyɛ kɛ rɔ min bara ma mana la n ma. Ni i ya wo kɛ n ye, n si i matɔgɔ mɔgɛ bɛɛ yala ka a tɛgɛ ita nyimayɛla ko la.

Yaburi 25:19

Mari, i ni n yogenu siyaya-bole mafɛlɛn. A mafɛlɛn, n gboyanɛ anu ye nya min.

Yaburi 35:12

Anu ya nna ko-nyimɛ sara ko-yoge la. Wo ya n yisi tinya ka n to kelengboyɛ rɔ.

Yaburi 35:19

N gboyanɛ n yoge minnu ye, kɔrɔ sa a la, i kana sɔn, wonu ni wasi n kuma. N yisi tinyanɛ wati min, i kana sɔn, n yogenu ni yɛlɛn n ma.

Yɛrɛmaya 18:20

A ma kin, mɔgɛ ni ko-nyimɛ yili sara ko-yogomɛ la. Anu bara ban denkɛ sinna n kɔrɔ n faga-koe la. Mari, i miri. Nde le sɔra i yakɔrɔ nun. N ya i madiya alako i ni ko-nyimɛ kɛ mɔgɛ kɛnu ye. N ya i madiya alako i fonde kana bɔ anu kuma.

Matiyu 5:10

Mɔgɔ-sewanɛ le wo mɔgɛ la anu bi min tɔrɔla ala ko-latelennɛla ko la bawo Alla min bi Arinyɛni tɔ, a si wota mansayɛ sɔrɔn!

Yɔni 10:32

Yisa ya a fɔ anu ye ko, “N Fa ya n sɔ ka kɛwɔli-nyimɛ siyaman kɛ wo ye. Wo ya wonu yen serr! Kɛwɔli-nyimɛ kɛ bɛɛsi rɔ, wo ye nyinina n mabonna nyamintanna ko la?”

1 Pita 3:13

Ni wo ye gbaranna wo nyɛrɛ la ko-nyima-kɛ-koe la, yon si wo tɔrɔ worɔ?

1 Yɔni 3:12

Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.

1 Samuwɛli 23:12

Dawuda ya a manyinika tun ko, “Kiyaila kɛ kɛnu bi mabɛ nna keminɛnu donna le Mansa Sɔli bolo, wa?” Mari ya a fɔ a ye ko, “Ɔn, anu bi wo mala le feu!”

1 Samuwɛli 23:5

Woletɔ Dawuda anubɛ ala keminɛnu tara bui Filisitinu ma Kiyaila. Anu bara Filisiti mɔgɔ-siyaman faga ka anuna kolo-fannu toronde anu bolo. Dawuda ya Kiyaila kɛnu kisi wo nya na le.

1 Samuwɛli 25:16

Ma ye mala sagɛnu fɛ wati min, su-ni-tele mɔgɛ kɛnu bi ma makandanna.

1 Samuwɛli 25:21

Wo wati ya a taran, Dawuda ye a mirila ko, “Nfenna n ya kei kɛla kolo-fannu natanka wulɛ rɔ yan? Mɔgɔ-wo-mɔgɔ ma fenfen kankan a bolo-fannu tɔ. I wara a yen, kɛ ara nna ko-nyimɛ sara ko-yogomɛ la?