Yaburi 37:8 - ALLALA KUMƐ

⁸ I fara yisi-bɔɛ la. I kana hɔn fanan bawo wonu si i don hakɛ rɔ.

Yaburi 37:8 ပူးပေါင်းရင်းမြစ်များ

1 Mansɛnu 11:22

Mansɛ ko, “Nfen mara? N bara i beli fan do le la? Wo le ye a mala, i ye tala?” Mansa Hedadi ya a fɔ mansɛ ye ko, “Ta-sɔgɛ ye n na tun!” Woletɔ a sɛgira a warɛ Idɔm nyamanɛ rɔ.

Yobu 18:4

Ila yisilamayɛ si i nyɛrɛ matanban-tanban. Ile lara a la ko ila yisilamayɛ si a ma, duninyarɔ-fan bɛɛsi ni ban, wa? Alla si kɔnkɛnu bɔ anu gbɛ rɔ alako i ni wasa, wa?

Yobu 5:2

Sɔgɔ-labɔɛ le si kun-takolɔn faga. Keliya-diminyɛ si a ma, mɔgɛ ni faga iko yuwɛ.

Yaburi 116:11

Hali n kumakɔnɛ tumɛ min, n ko, “N ti la mɔgɔ-wo-mɔgɔ la fɔ Alla kelen pe.”

Yaburi 31:22

N kilanta. N ya a lɔn nun ko Mari ara n gben a dafɛ. Kɔnɔ n ya a rakele tumɛ min n dɛnbɛn-koe la, a ya n di-kɛ-kan lamɔɛn.

Yaburi 73:15

Ni nde kumara iko karagbɛlɛ kɛnu kumara nya min, wo si a ma nun, n ti ma iko Allala mɔgɛ.

Hɛnkilimaya-Kumɛnu 14:29

Ni min si ke a yisi birala, hɛnkilimɛ le wo la. Kɔnɔ mɔgɛ min ti ke a yisi birala, wo ye a yirala ko hɛnkili sa a la.

Hɛnkilimaya-Kumɛnu 16:32

Yanni i ni sɛnbɛ sɔrɔn ka so-kun kelan gbesi, a fisa, i ni kun i nyɛrɛ ma ka i nyɛrɛ mara.

Yona 4:1

Nɛbi Yona ya a yen min kɛ, tunbi ara sigi a tɛrɛn na, a yisi magboyara.

Yona 4:9

Kɔnɔ Alla ya Nɛbi Yona manyinika tun ko, “Nfen bi a tola, i ye diminyala kɔlɔma kɛ ma ka?” Nɛbi Yona ya a yabi ko, “A bɛnta, n ni diminya. Sayɛ fisa nde ye kɛ ko.”

Ɛfɛsa 4:26

Ni min diminyanɛ mɔgɛ ma, a kana sɔn, ala diminyɛ ni a ladon hakɛ rɔ. A diminyanɛ kana telen gbɛn,

Ɛfɛsa 4:31

Nyɔgɔn-kɔn wo, yisi-bɔɛ wo, diminyɛ wo, wo ni wonu boloka. Wo kana nyɛɛ mɔgɛnu ma ka mɔgɛ manyini, ado wo kana ni-yogoyɛ kɛ wo nyɔgɔn na.

Kɔlɔsi 3:8

Nba, wo ni koe kɛ bɛɛ boloka kaka, yisi-bɔɛ wo, diminyɛ wo, anubɛ wunduyogoyɛ. Tanama-kumɛ anubɛ kuma-gbondanɛ kana bɔ wo dɛ rɔ mumɛ!