Yaburi 37:6 - ALLALA KUMƐ

⁶ A si a ma, ila telenbagayɛ ni malan iko tele latelan.

Yaburi 37:6 ပူးပေါင်းရင်းမြစ်များ

Yobu 11:17

I wara-koe si malan iko tele. Pinpi si ma i yala iko sun-tele-tiyi.

Yaburi 31:20

I ye anu dogonna i warɛ, karagbɛlɛnu miriya ti ke anu ma kan min. Anu tenbi nyɔ, i si anu tanka anu fɛɛ-donnɛnu masibɛ ma.

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Aiseya 58:10

Wo ni kɔnkɔtoenu de-nyini. Minnu bi nanparan rɔ, wo ni hina wonu na. A ko ni wo ya wonu ma, wo ye pinpi min tɛma, wo si yɛlɛma wo bolo tele la.

Aiseya 58:8

Mari ko ni wo ya ko-sufa kɛnu ma, ale Mari si ata waan raka wo ma ka to wo tanban-gbɛnu nakɛndɛyala. A ko a si sɔ wo yarɔ ka wo lakanan. A ko ata gbiliyɛ si bila wo fɛ alako yanba kana yalan wo ma.

Yɛrɛmaya 51:10

Mari ko ala mɔgɛnu bi a sɔnkɔla ko Mari ye a yirala ko yoe ye anu bolo. Anu ko anuta Mari Alla ara min ma, anu ni ta wo fɔ Yerusalɛm kɛnu ye.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Matiyu 13:43

Kɔnɔ Allala mɔgɛnu si malan iko tele anu Fa Allala mansayɛ rɔ. Ni min si ko nya-yen, a ni a tole masɔ.”

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.