Yaburi 37:39 - ALLALA KUMƐ

³⁹ Mari si mɔgɔ-telennɛnu nakisi. Anu tenbi kɔndɔfili rɔ, a si anu natanka.

Yaburi 37:39 ပူးပေါင်းရင်းမြစ်များ

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 32:22

Mari ya Mansa Hɛsakaya anubɛ Yerusalɛm kɛnu kisi Asiriya Mansa Sɛnakaribu masibɛ ma wo nya na le. A ya anu kisi anu yogo-gbɛrɛ donu fanan ma. Mari ya a ma, anu sigira yisi-kimɛ rɔ anu dafɛ mɔgɛnu bolo.

Yaburi 28:7

N natankalɛ anubɛ n nakanannɛ le ale Mari la bawo n lanɛ a la. A ye n dɛnbɛna ka n nanyagalen woletɔ n si sewa-bɛtinu bɔ a ye.

Yaburi 3:8

Ile Mari kelen pe le si ke ila mɔgɛnu kisila gbalo ma. Alamɛ ita mɔgɛnu ya ila duwɛ sɔrɔn.

Yaburi 34:20

Mari si a latanka a kin na! Hali a kolo kelan ti keri.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 46:2

Hali duninya mumɛ bɛɛ ramagara, ma ti kilan. Hali kɔnkɛ bɛɛ buira kɔgɔ-yi-dumɛ rɔ, ma ti kilan.

Yaburi 62:2

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Yaburi 9:9

Mɔgɔ-tɔrɔnɛnu dogon tinɛ le Mari warɛ la. Anu tenbi kɔndɔfili rɔ, i si anu natanka.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Hɛnkilimaya-Kumɛnu 11:8

Telenbagayɛ si mɔgɔ-telennɛnu bɔ nanparan rɔ, ado mɔgɔ-karagbɛlɛnu si don wo dɛ la.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 33:2

Mari, kinikini ma ma. Ma yigi bɛnnɛ ile le ma. To ma lakananna tele-wo-tele ka ma lakisi yakɔrɔ-mamɔɛ rɔ.

Yɛrɛmaya 15:20

Mari ko a si n ma wole ye iko dandan tagbɛlɛ. A ko n ta si gbɛlɛya iko sila-dandan. A ko wo ya n kɛlɛ nya-wo-nya, wo ti n nɔ worɔ. A ko ni wo ya a yen wo ye mala bawo ale Mari ye n fɛ. A ko a si n kumafunfan ka n nakanan.

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Yona 2:9

Kɔnɔ nde si tantoli-bɛti bɔ ile ye. N si sarakɛ bɔ ile ye. N si nna lanyiri latɔnbagaya i ye. Ile Mari kelen pe le si ke mɔgɔ kisila.

Ɛfɛsa 2:8

Woletɔ ma kisinɛ Allata hinɛ le fɛ dɛnkɛninyɛ baraka rɔ, ado male tɔrɔ-gba ma wo la. Allata kɔ-fan le wo la.

Kɔlɔsi 1:11

Ma ye a matarala fanan ko wo ni sɛnbɛ sɔrɔn bɛrɛkɛ ka bɔ ata sɛnbɛ-makawanɛ rɔ. Wo le si a ma, wo ni ke a birala wo rɔ ka wo munyu koe bɛɛ rɔ, ado wo bɛɛ rɔ, wo

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.