Yaburi 37:34 - ALLALA KUMƐ

³⁴ I yigi sa Mari rɔ ka ata tɔnnu bira. Wo si a ma, i ni gbiliyɛ sɔrɔn. Nyamanɛ ni to i bolo worɔ. Mari tenbi karagbɛlɛnu gbenna nyamanɛ wo rɔ, i si wo rayen i yɛ la.

Yaburi 37:34 ပူးပေါင်းရင်းမြစ်များ

Yobu 17:9

Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

Yaburi 112:8

A ti hɔn, ado a ti kilan. A yili latɛgɛni a yoge nɔ-koe ma.

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Yaburi 25:13

Wonu si ma fen-tiginu na, ado nyamanɛ si to anuna dannu ye.

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Yaburi 37:9

Minnu lanɛ Mari la, wonu si sigi anu halala-nyamanɛ rɔ kɔnɔ karagbɛlɛnu, wonu bara-koe si firan nyɔ.

Yaburi 91:8

I si a rayen i nyɛrɛ yɛ la karagbɛlɛnu bi tɔrɔla nya min.

Yaburi 92:12

Mɔgɔ-telennɛnu bara-koe si yɛlɛ fulufele, iko tin-kuri. Anu si to koloyala iko kɔlɔma-hakikɛ minnu bi Lɛbanan nyamanɛ rɔ.

Hɛnkilimaya-Kumɛnu 16:17

Mɔgɔ-nyimɛ ye bilala kila-telennɛ min fɛ, wo kanɛ le ko-yogoma-kilɛ ma. Ni min ya a tagama-tinɛ yabɔ, wo si simayɛ sɔrɔn.

Hɛnkilimaya-Kumɛnu 20:22

Mɔgɔ kana a tayili sara. I ni dinya Mari kɔma, ale si ila koe bɛɛ latelen i ye.

Hɛnkilimaya-Kumɛnu 29:16

Mɔgɔ-yogomɛ wa tɔgɛ sɔrɔn, ko-yogomɛ si to siyayala kɔnɔ hali wo, mɔgɔ-latelennɛnu si karagbɛlɛnuna ban-bole yen.

Aiseya 57:13

Wo wa di wo dɛnbɛn-koe rɔ, wola foninya-bɛsi-ladɛnnɛnu ni wo dɛnbɛ. Hali fɔn-fɛlɛfɛlɛnɛ, a si ta bɛsɛ wonu na. Kɔnɔ a ko minnu lanɛ ale la, nyamanɛ ye mala wonu denu halalɛ la. Wonu denu si to a batola ata kɔnkɔ-sɛnimɛ kuma.

Matiyu 24:13

Kɔnɔ min si a munyu ha ala ban, wo si kisi,

Luka 14:11

ado min bɛɛ si a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.”

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Pita 5:6

Nba, wo ni wo famayigi Alla-sɛnbɛmɛ-kɔɛn kɔrɔ, woletɔ a si wo layɛlɛ a wati-latɛgɛnɛ rɔ.