Yaburi 37:27 - ALLALA KUMƐ

²⁷ I fara ko-yogoma-kɛ la ka ko-nyimɛ kɛ. Wo si a ma, nyamanɛ kɛ ni ma wo kegeyɛnu halalɛ la

Yaburi 37:27 ပူးပေါင်းရင်းမြစ်များ

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yaburi 102:28

Kɔnɔ mala dannu ti to nyagbɛ rɔ. Wonu kegeyɛnu si to lafɛrɛ rɔ. Anuna dannu si taran ila matankalɛ kɔrɔ.

Yaburi 34:14

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

Yaburi 34:15

Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na.

Hɛnkilimaya-Kumɛnu 16:17

Mɔgɔ-nyimɛ ye bilala kila-telennɛ min fɛ, wo kanɛ le ko-yogoma-kilɛ ma. Ni min ya a tagama-tinɛ yabɔ, wo si simayɛ sɔrɔn.

Hɛnkilimaya-Kumɛnu 16:6

Keninteyɛ anubɛ tonyɛ si a ma, mɔgɔ hakɛ ma si koto. Mɔgɛ min bi kilanna Mari la, wo si fara le ko-yogoma-kɛ la.

1 Tɛsalonaika 5:15

Wo kana sɔn, mɔgɔ-wo-mɔgɔ ni ko-yoge sara ko-yoge la. Tuma-wo-tuma, wo ni to ko-nyimɛ kɛla wo nyɔgɔn ye anubɛ mɔgɛ bɛɛ.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Taita 3:14

I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

Taita 3:8

Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.

Hiburunu 13:16

Wo kana nyina ka ko-nyimɛ kɛ wo nyɔgɔn dɛnbɛn tinɛ bawo sarakɛ le wo la min di Alla ye.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.