Yaburi 37:22 - ALLALA KUMƐ

²² Minnu bi Marita duwɛ sɔrɔnna, wonu denu halalɛ ye mala nyamanɛ wo la. Kɔnɔ minnu bi ata dankɛ kɔrɔ, wonu bara-koe si firan nyɔ feu!

Yaburi 37:22 ပူးပေါင်းရင်းမြစ်များ

Yobu 5:3

N bara kun-takolɔn do yen nun min wara-koe ara ta yarɔ kɔnɔ a ma mɛ, mɔgɛ do ya anubɛ ala denbayɛ danka.

Yaburi 115:15

Mari min ya san-kole anubɛ dugu-kole dan, alamɛ ata duwɛ tora yigila wo kuma.

Yaburi 119:21

I ye wasintenu makumala tolon! Minnu bi ita sereyanu masangbala, wonu bi dankɛ kɔrɔ.

Yaburi 128:1

Marita kuma-biralɛnu sewani de, minnu bi tagamana ata kilɛ fɛ, kɔni.

Yaburi 25:13

Wonu si ma fen-tiginu na, ado nyamanɛ si to anuna dannu ye.

Yaburi 32:1

Ale min hakɛ ma ara koto, mɔgɔ-sewanɛ le wo tigi la. Mɔgɔ-sewanɛ le wo tigi la min sɔn-yogomɛ yama ara togon.

Yaburi 37:11

Nyamanɛ wo si ma mɔgɔ-famayiginɛnu halalɛ la. Anu si taran anu diya yisi-kimɛ rɔ.

Yaburi 37:18

Minnu bi Mari sako kɛla, a si wonu fɛ-bira. Dugi si to anu bolo tɛban!

Yaburi 37:28

bawo koe min telennɛ, wo di Mari ye. Wo le si a ma, a ti ata mɔgɔ-telennɛnu boloka. A si to anu natankala burubukai! Kɔnɔ a si karagbɛlɛnuna dannu wara-koe firan nyamanɛ wo rɔ.

Yaburi 37:9

Minnu lanɛ Mari la, wonu si sigi anu halala-nyamanɛ rɔ kɔnɔ karagbɛlɛnu, wonu bara-koe si firan nyɔ.

Hɛnkilimaya-Kumɛnu 3:33

Mari si dankɛ ladon karagbɛlɛnuna bɔn la kɔnɔ a si duwɛ layigi mɔgɔ-telennɛnu barɛ.

Aiseya 57:13

Wo wa di wo dɛnbɛn-koe rɔ, wola foninya-bɛsi-ladɛnnɛnu ni wo dɛnbɛ. Hali fɔn-fɛlɛfɛlɛnɛ, a si ta bɛsɛ wonu na. Kɔnɔ a ko minnu lanɛ ale la, nyamanɛ ye mala wonu denu halalɛ la. Wonu denu si to a batola ata kɔnkɔ-sɛnimɛ kuma.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”