Yaburi 37:15 - ALLALA KUMƐ

¹⁵ Kɔnɔ karagbɛlɛ wonu tɔgɔ si to anuna faan wonu na. Anuna kalabɛn wonu ta si murundu.

Yaburi 37:15 ပူးပေါင်းရင်းမြစ်များ

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

Ɛsita 9:16

Yahudiya minnu basannɛ anuna nyamanɛ wo la, wonu tora anu yogenu fagala alako anu ni anu nyɛrɛ niyi kumafunfan. Karɛ wo tele tan-ni-sawɛ ma, anu ya anu yoge mɔgɔ waga bi-wɔrɔnfila ani mɔgɔ waga loli (75,000) faga kɔnɔ anu ma anu bolo-fan fenfen bi. A tele tan-ni-nani nyɔgɛ ma, anu ya anu sulen ka wo ma anu nyɛrɛta ladiya-tele la.

Ɛsita 9:22

bawo anu ya lafɛrɛ sɔrɔn anu yogenu bolo tele filɛ wo le ma. Anuna kɔndɔfili anubɛ anuna yakɔrɔ-mamɔɛ mara anu bolo kun-nadiyɛ la karɛ wo le la. A sɛbɛnɛ a rɔ fanan ko anu ni ladiyɛ anubɛ tolɔn kɛ wulɔn ka to anu nyɔgɔn kɔla katarala bolo-kolɔnnu ma.

Yaburi 34:22

Mari si ata mɔgɛnu kisi. Minnu bi tala a wara alako Mari ni anu natanka, Mari ti wo tigi tɔrɔ.

Yaburi 35:8

Kɔnɔ yaga, anu bi nala kasarala latɛrɛnɛ bolo. Anu si bira anu nyɛrɛta yili-lasiginɛ wo la. Anu si bui anu nyɛrɛta denka-sinnɛ wo rɔ.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Yaburi 46:9

A ye tɔn sigila kɛlɛ la duninya bɛɛ rɔ. A si kalabɛnnu takerikeri ka tanbɛnu tinya ka kɛlɛ-dan-matanka-fannu fanan mintan.

Aiseya 37:38

Lunyɛ do, ale Sɛnakaribu ye ala Bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

Yɛrɛmaya 51:56

Anu bi nala Babilɔn kasara kan le ma. Anu bi Babilɔn kɛlɛ-dannu birala ka anuna kalabɛnnu takerikeri. Mari ko Alla le ale la min si ko-yogoma-kɛlɛnu tɔrɔ, ado a bɛnta, a ni min ke Babilɔn ma, a si wo sigi nyɔ ma.

Hoseya 1:5

Wo wati rɔ, n si Isirɛlata kɛlɛ-kɛ-fanka laban Yɛsɛreli lɛɛ rɔ.”

Hoseya 2:18

Wo wati rɔ, sogo wo, koni wo, sagan-fen wo, nde, Alla ko anubɛ wonu si sarama-kan kiri anu nyɔgɔn tɛma alako wonu kana ko-yogoma fenfen ma nta mɔgɛnu na. N si kɛlɛ-kɛ-fannubɛ kɛlɛ wara-koe bɛɛ ka-a-la nyamanɛ rɔ, a faan wo, a kalabɛn wo. Nta mɔgɛnu si to yisi-kimɛ anubɛ lafɛrɛ rɔ wulɔn.

Maika 5:6

Nimirɔdi ya Asiriya nyamanɛ min dabira, ma si nyɔ-mɔgɛnu nɔ mala kɛlɛ-kɛ-fannu na. Asiriya mɔgɛnu ba na bui ma ma tumɛ min, mala kun-tigi-wɛ wonu si ma kisi anu masibɛ ma.

1 Samuwɛli 2:4

Kɛlɛ-dannuna kalabɛn kalɛ ra ara keri. Kɔnɔ kɛlɛ-dan min ta ma gbɛlɛ nun, wonu bara sɛnbɛ sɔrɔn kaka.

1 Samuwɛli 31:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.