Yaburi 36:4 - ALLALA KUMƐ

⁴ A tenbi sani, a ye a mirila ko-yogomɛnu-tabɛn-koe ma. A ti ko-wo-ko ladan min kin. A ti a ban ko-yogomɛnu kɛ-koe ma.

Yaburi 36:4 ပူးပေါင်းရင်းမြစ်များ

Ɛsita 5:14

Ala musi anubɛ a diyana-mɔgɛnu ya a fɔ ko, “Nfenna i ti mɔgɔ dun tinɛ ladan, Mɔdekɛyai kɛ si dun kan min? Wola yanyɛ ni ma nunkan-nya bi-sawa ani nunkan-nya wɔrɔ la. Sina sɔgɔma, i ni ta a fɔ mansɛ ye alako a ni Mɔdekɛyai dun wo la. Wo wa ka a la, i sewanɛ si ta mansɛ fɛ musi wo warɛ fen dɔn tinɛ.” Heman mirinɛ ko anu bara kuma-telennɛ le fɔ a ye wo la. A ya mɔgɔ dun tinɛ wo ladan.

Ɛsita 6:4

Mansɛ ya anu manyinika ko, “Nna mɔgɔ-ba do ye bolɔn la yan kaka, wa?” Wo ya a taran, Heman don sansan bolɔn la. A ara na Mɔdekɛyai dun-koe fɔ tinɛ mansɛ ye.

Yobu 15:16

Kɔnɔ hadama-dan don? A sɔn yogo kati! Karagbɛlɛyɛ diya donnɛ mɔgɛnu tɔ iko min-kɛ-yi.

Yaburi 38:12

N faga-sɔgɛ ye minnu na, wonu bi yili lasigila n ye. N madumɛ-sɔgɛ ye minnu na, wonu bi yanfɛ kirila n ma n tinya-koe la. Anu sa anu farala yanfɛ kirila n ma.

Yaburi 52:3

Ko-yogomɛ di i ye ko-nyimɛ ko. Foninya-fɔɛ di i ye tonya-fɔɛ ko.

Yaburi 97:10

Kɔnɔ n na-kelen-nyɔgɛnu, karagbɛlɛyɛ gbo minnu ye, wonu di Mari ye. A ye ala mɔgɛnu niyi lakananna. A ye anu nakananna karagbɛlɛnu masibɛ ma.

Hɛnkilimaya-Kumɛnu 24:2

bawo anu miriya bɛnni ma fenfen ma fɔ ka nanparan ratɛgɛ. Anu ya anu dɛ sɔ mɔgɔ-wo-mɔgɔ ma, wo yisi si tɔrɔ a ma.

Hɛnkilimaya-Kumɛnu 24:23

Hɛnkilimɛ le ye kɛnu damasi fɔla. Kiti-tɛgɛlɛ kana lafisayalɛ kɛ kiti sa tinɛ.

Hɛnkilimaya-Kumɛnu 4:16

Ko-yogoma-kɛlɛnu ti anu sa fɔ anu ba ko-yogomɛ ma. Anu ti ke kinɔgɔla ni anu ma ko-yogomɛ ladan.

Aiseya 65:2

A ko telen-gbɛn, a kɔɛn rasiginɛ mɔgɔ-murutiyanɛ wonu ye. Minnu bi sɛgila a ma, a rabɛnnɛ wonu tabira-koe la. Kɔnɔ anu kɛ-nya manɛ nya min, wo ma kin. Min ba diya anu ye, anu bi wo le mala.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Yɛrɛmaya 8:6

Mari ko a ya a wɔlɔ matɔlɔ wo la a kin na kɔnɔ fenfen ti bɔ wo da rɔ fɔ foninyɛ. Wo fenfen ma nimisa wo hakɛla ko la. Wo miriya ma ke wo sɔn-kɔrɛ wonu ma lefan anu boloka-koe ma. Bɛɛ ye a kun fɛ iko soee-kɛlɛta talɛ.

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Matiyu 27:1

Subaga-dɛ ma, saraka-masɔla-wɛ bɛɛ anubɛ Yahudiya-kɛmɔgɛnu ya anu nyɔgɔn nadɛn ka sɔn Yisa faga-koe ma.

Kɛwɔlɛnu 23:12

Wo banda kɛ, Yahudiya donu ya anu nadɛn ka ko-rabɛn-kɛ. Anu ya anu dato ko anu ti fen dɔn ka anu min, ni anu ma Pɔli faga fɔlɔn.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Lankɛnimayɛ 2:2

Wole Ɛfɛsa-chɔchi-mɔgɛnu, wo ara min kɛ, n ya wo lɔn. Wo ara wɔlɔ-wɛ min kɛ anubɛ wo ara wo munyu nya min, n ya wo lɔn. N ya a lɔn ko wo ti sɔn mɔgɔ-yogenuna ko ma minnu bi a fɔla ko kilayɛ le anu na kɔnɔ kilaya ma anu na. Wo ara wonu kɔrɔbɔ ka a lɔn ko foninya-fɔlɛ le anu na.

1 Samuwɛli 19:11

Wulɔn suyi rɔ, ale Mansa Sɔli ya keminɛ donu nata Dawudala bon makandan tinɛ alako a wa bɔ sɔgɔma, anu ni a bira ka a faga. Ale Dawudala musi Mikali ya a makawandi, a ko, “Ni i ma i bɔ yan bi suyi kɛ rɔ, sina sɔgɔma, fɔ anu ba i faga.”