Yaburi 35:27 - ALLALA KUMƐ

²⁷ Minnu bi a fɔla ko nde ma ko tinya, alamɛ wonu ya a lawɔyɔ sewɛ bolo. Anu ni to a fɔla tolon, ko, “Mari min sewanɛ ala wɔli-kɛlɛla yarɔma-ta-koe la, alamɛ wo ya gbiliyɛ sɔrɔn!”

Yaburi 35:27 ပူးပေါင်းရင်းမြစ်များ

Yaburi 132:16

A si kisi-ko-duruki don saraka-masɔlɛnu kan na. A ko ata mɔgɛnu si to sigi sala sewɛ bolo nyɔ rɔ.

Yaburi 132:9

Alamɛ ila saraka-masɔlɛnu ya telenbagayɛ bila anu kan na iko duruku-ba-wɛ. Alamɛ ita mɔgɛnu tora a lawɔyɔla sewɛ bolo.

Yaburi 142:7

N kunka nna tɔrɔyɛ kɛ rɔ min bara ma mana la n ma. Ni i ya wo kɛ n ye, n si i matɔgɔ mɔgɛ bɛɛ yala ka a tɛgɛ ita nyimayɛla ko la.

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Yaburi 149:4

Mari sewanɛ ala mɔgɛnu na. A ye mɔgɔ-famayiginɛnu gbiliyala nɔlɛ la.

Yaburi 32:11

Ile min telennɛ, i ni sewa ka a tɛgɛ Mari ara min kɛ i ye. Ile min bi ala kumɛ tola a gbɛ rɔ, i ni i kuli mayɛlɛ nyagalan bolo.

Yaburi 34:4

N ya Mari madiya, ado a ya nna madiyali-kan lamɔɛn. A ya n bɔ n takilan-koe bɛɛ rɔ.

Yaburi 40:16

Minnu bi anu gbɛrɛnna ile Mari ma, alamɛ wonu nyagalenta ka sewa. Minnu bi baraka birala ile Alla ye ita kisi-koela ko la, alamɛ wonu tora a fɔla ko, “Mari makawara!”

Yaburi 40:17

N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.

Yaburi 68:3

Kɔnɔ telenbagɛnu si sewa a yakɔrɔ. Anu si nyagalen ka a lawɔyɔ sewɛ bolo.

Yaburi 70:4

Minnu bi anu gbɛrɛnna ile Mari ma, alamɛ wonu nyagalenta ka sewa. Minnu bi baraka birala ile Alla ye ita kisi-koela ko la, alamɛ wonu tora a fɔla ko, “Alla makawara!”

Yaburi 9:4

I telennɛ min kɛ, i wara n kiti ka yo di n ma.

Hɛnkilimaya-Kumɛnu 8:18

N si a ma, mɔgɛnu ni gbiliyɛ anubɛ fen-kolomɛnu sɔrɔn. Nde si anu nasabati ka nɔnfuli di anu ma.

Sɛfanaya 3:14

E, wole Isirɛla mɔgɛnu, wo kulu-mayɛlɛnɛ ni sigi sa ka nyagalen wo yisi rɔ! Wole Yerusalɛm kɛnu, wo ni nyagalen wo yisi bɛɛ la.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

Romu 12:15

Sewa wonu fɛ minnu bi sewala. Di wonu fɛ minnu bi dila.

1 Kɔrɛnti 12:26

Ni sɔlɔmɔnya kelen tɔrɔta, a sɔlɔmɔnya-toe bɛɛ si tɔrɔ a fɛ. Ni sɔlɔmɔnya kelen ya gbiliyɛ sɔrɔn, a sɔlɔmɔnya toe bɛɛ si do sɔrɔn gbiliyɛ wo rɔ.