Yaburi 35:26 - ALLALA KUMƐ

²⁶ Minnu sewanɛ nta tɔrɔyɛla ko la, alamɛ wonu ya nanparan sɔrɔn ka yarabi. Minnu bi anu nyɛrɛ kɔrɔbila ka tenbi nde la, alamɛ miliyɛ donta wonu kun na yorobi!

Yaburi 35:26 ပူးပေါင်းရင်းမြစ်များ

Yobu 19:5

Wo mirinɛ ko wo tenbira nde la. Wo ara tɔrɔya-siyamɛ yen n kuma min kɛ, wo kana wo miri ko n yilikinɛ le.

Yobu 8:22

Ila ko-gboyanɛ minnu ye, a si wonu nayarabi. Kɔnɔ karagbɛlɛnuna bɔnnu si kasara pɔ!

Yaburi 109:19

Alamɛ dankalɛ wonu mara fɛrɛya-bɔɛ la a ye. Alamɛ anu mara butɛ-kiri la a ye.

Yaburi 129:5

Yerusalɛm-gboyana-mɔgɛnu, alamɛ ma ya nɔ-ko sɔrɔn wonu ma ka anu gben sɛgila.

Yaburi 132:18

A ko a si a yogenu namiliya kɔnɔ ata mansayɛ si ta yarɔ ka wara.

Yaburi 35:4

N faga-sɔgɛ ye minnu na, alamɛ i ya wonu nɔ ka anu yarabi. Minnu bi yanfɛ rabɛnna n ma, alamɛ wonu kɔndɔfilinɛ sɛgira.

Yaburi 38:16

I kana sɔn, n yogenu ni yɛlɛn n ma nna tɔrɔyɛla ko la. Anu kana nyagalen bawo n bara bui.

Yaburi 55:12

Ni n yoge le ya n manyini, n si ke n muinna le wo ma. Ni n kɛlɛ-nyɔgɛ yɛ tɛgɛra n tɔ, n si ke a masangbala le

Yaburi 71:13

Minnu bara wuli n kan ma, alamɛ wonu kasarata ka tunu yen! Min tayanɛ n tanban-koe la, alamɛ wonu yarabira n ye.

Aiseya 41:11

Minnu kɔrɔtɔnɛ wo ma, a ko wonu si a lɔn miliyɛ ye min na. Mɔgɔ-wo-mɔgɔ ya wo kɛlɛ, wo si faga.

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Yɛrɛmaya 48:26

Mari ko, “Wo ni Mohabu kɛnu lamin kɔlikɔli, bawo anu bara murutiya ale Mari ma. Mohabu si a mataragban a nyɛrɛ tesere gbɛ rɔ ha mɔgɛnu ni a mayɛlɛn.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”