Yaburi 35:13 - ALLALA KUMƐ

¹³ Kɔnɔ n yoge wonu kirayanɛ, n dira anuna ko la kosɛbɛ! N ya kasa-duruki bila n kan la ka n nyɛrɛ lakɔnkɔ anuna ko la. Nna madiyalɛ ma yabilɛ sɔrɔn min kɛ, n tora dila anuna ko la

Yaburi 35:13 ပူးပေါင်းရင်းမြစ်များ

Yobu 30:25

N ma di mɔgɔ-tɔrɔyanɛnuna ko la nun, ba? N yakɔrɛ ma ara mɔ nun bolo-kolɔnnuna ko la.

Yaburi 69:12

Anu bi n bara-koenu takaranna luyinu ma, ado gbɛɛtoenu bi n mayɛlɛn-siginu sala.

Aiseya 58:3

Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Aiseya 58:5

A ko sun-donna-bɛrɛ si min ma, wo le kɛ la. A bɛnta, mɔgɛ ni nimisa nya min a sɔnla ko la, wo le kɛ la. A ko a ma di a ye wo ni to wo nyɛrɛ lakunbɛnna iko binyɛ. A ma di a ye, wo ni kasa-kurɛnu tasa ka gbangban don wo ma ka wo sa wonu kuma. A ko wo ara wonu denu ma wola sun-don-bole la. A ko wo le miri ko sun-don-bole le wo la, wa? A ko wo miri ko wo kɛ-nya si ale Mari hɛnɛ?

Saraka-Masɔlɛnuta Tɔnnu 16:29

“Karɛ wɔrɔnfilɛ wo tele tan nyɛrɛ ma, Isirɛla mɔgɛnu anubɛ anuna sundannu ni sunyɛ don ka anu sulen anu halala-wɔlɛ ma wo tele nyɛrɛ ma.

Saraka-Masɔlɛnuta Tɔnnu 16:31

Tele wo si ma anu sɛninya-tele la, anu dama si sunyɛ don ka anuna wɔlɛnu to nyɔ wulɔn tele kelan. Wo si tɔn kɛnu bira ka a fɔlɔ bi ma ha tumɛ min di Alla ye.

Matiyu 10:13

Ni bonna-mɔgɛ wonu ya wo rabira a kin na, wola yisi-kima-duwa-kɔndɔli si to anu fɛ. Kɔnɔ ni anu ma wo rabira, wo ni Alla madiya ko wola duwɛ ni bɔ anu fɛ.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Luka 10:6

Ni mɔgɔ-nyimɛnu bi nyɔ, wola yisi-kimɛ-kɔndɔli ni to anu fɛ. Ni mɔgɔ-nyimɛnu sa nyɔ, wola yisi-kimɛ-kɔndɔli ti to anu fɛ.