Yaburi 35:10 - ALLALA KUMƐ

¹⁰ N si a fɔ Mari ye n sɛbɛ-kuna-wɛ la ko, “Ile Mari nyɔgɔn sa! Sɛnbɛ sa minnu na, i ni wonu nakisi sɛnbɛ-tiginu masibɛ ma. I si bolo-kolɔnnu tanka kensuntenu ma.”

Yaburi 35:10 ပူးပေါင်းရင်းမြစ်များ

2 Samuwɛli 22:18

A ya n natanka n yogenu ma minnu tagbɛlɛ n ko, ado n gbo anu ye kati!

Yaburi 10:14

Kɔnɔ Alla, i ye yakɔrɔ-mamɔɛ anubɛ tɔrɔyɛ rayenna i kolan le la. I ye mɔgɛnu dɛnbɛna wati bɛɛ. Min ti ke a nyɛrɛ kumafunfanna, wo si a nyɛrɛ latenbi ile Mari ma. I ye bolo-kolɔnnu dɛnbɛna wati bɛɛ rɔ.

Yaburi 102:3

N niyi bɔmatoe le iko ta-sisi. N fɛrɛ ye mintanna iko tɛ le siginɛ a la.

Yaburi 103:6

Mɔgɔ-tɔrɔnɛ minnu bi kun-tigi-karagbɛlɛnu kɔrɔ, Mari ye ko-latelennɛnu kɛla wonu ye ka yo di anu ma.

Yaburi 109:31

bawo a ye bolo-kolɔn kumafunfanna. Minnu bara ban anu faga-koe latɛgɛla, a si anu kisi wonu masibɛ ma.

Yaburi 140:12

Mari, n ya a lɔn de serr, i si bolo-kolɔnnu fɛka le. I si a ma, makolamɛnu ni anu yoe sɔrɔn.

Yaburi 140:13

Telenbagɛnu si i matɔgɔ ka baraka bira i ye. A sɔgɛ si anu bira ka to i yakɔrɔ tolon!

Yaburi 146:7

Minnu niyi ragbɛrɛnnɛ anu ma, a si yo di wonu ma. A si kɔnkɔtoenu de-nyini. Mari si mɔgɔ-biranɛnu to anu diya.

Yaburi 18:17

A ya n natanka n yogenu ma minnu tagbɛlɛ n ko, ado n gbo anu ye kati!

Yaburi 22:14

N sɛnbɛ bɛɛ ara ban fegba iko yi wa bon dugi ma. N natugurun-nya bɛɛsi ara bɔ anu nyɔgɔn na. N yisi ara lee iko li-kɛɛn.

Yaburi 22:24

A ti nyina ata mɔgɔ-tɔrɔnɛ ko ka a kan-kɔ sɔ wo la. A wa nyinikalɛ kɛ dɛnbɛn-koe rɔ wati min, Mari si a yabi.”

Yaburi 32:3

N ma n sɔ wɛ n hakɛ la min kɛ, n fanka ara bɔ n na ka a tɛgɛ nna telen-gbɛn diyi-kɛ ma.

Yaburi 34:20

Mari si a latanka a kin na! Hali a kolo kelan ti keri.

Yaburi 34:6

Bolo-kolɔnnu ba di a dala, Mari si a wɔlɔ matɔlɔ anuna di-kɛ-kan la ka anu madɛnbɛ. A si anu bɔ anuna yakɔrɔ-mamɔɛnu tɔ.

Yaburi 37:14

Karagbɛlɛnu bi anuna faannu saganna anu lɛɛ rɔ ka anuna kalabɛnnu fanan tasagan bolo-kolɔnnu anubɛ makolamɛnu tɔgɔ rɔ. Ko-latelenni-kɛlɛnu faga-sɔgɛ ye anu na.

Yaburi 38:3

Ka a tɛgɛ ila diminyɛ wo ma, dumɛ ara tagbaya n ma. Ka a tɛgɛ nna hakɛ ma, n fɛrɛ kɛ bira-tina sa kirayɛ bolo.

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Yaburi 51:8

Nyagalan anubɛ sewɛ lana n yisi rɔ tun. Hali i wara n tatɛrɛgbɛn, n si sewa i bolo tun, yɔ!

Yaburi 69:33

Mari si a wɔlɔ matɔlɔ makolamɛnu na, ado ala mɔgɛ minnu bi yele la, a ti nyina wonu ko.

Yaburi 71:19

E, Alla, ila telenbagayɛ kenɛ fɔɔ san-kole ma. I wara kabana-ko-siyaman kɛ, ado i nyɔgɔn sa.

Yaburi 86:8

E, n tigi, i rakɛn sa, ado i kolo bɛsɛ bɛɛ ko. Ha bi, mɔgɔ ma ko ma wɛ iko ile.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 40:25

Mɔgɛ si Alla-sɛnimɛ sanka fan mintan ma? A nyɔgɔn ye nyɔ?

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 20:13

Ma ni bɛti bɔ wona Mari ye. Ma ni Mari matɔgɔ bawo a ara makolamɛnu niyi lakisi. A ya wonu kunyɛ bɔ gbaran rɔ karagbɛlɛnu bolo.