Yaburi 34:8 - ALLALA KUMƐ

⁸ I nyɛrɛ ni Marita nyimayɛ mafɛlɛn alako i ni a lɔn a kin nya min. Minnu natankanɛ a bolo, mɔgɔ-sewanɛ le wonu na.

Yaburi 34:8 ပူးပေါင်းရင်းမြစ်များ

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

Yaburi 119:103

Ila karan di n ye kosɛbɛ! A di n ye ka tenbi liyi la.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Yaburi 36:10

Minnu ya i lɔn, to ila keninteyɛ yirala wonu na. I ni to ko-nyimɛ kɛla mɔgɔ-telennɛnu ye.

Yaburi 36:7

E, Alla, ila keninteya-dannatɛgɛbɛlɛ sɔnkɔ ti sɔrɔn. Ma lakanannɛ i kanban kɔrɔ.

Yaburi 52:1

Nfenna ile fen-ba-tigi wa ko-yogomɛ kɛ Alla diyana-mɔgɛ la, i si i nyɛrɛ matɔgɔ wola ko la? Allata lanayɛ si to burubukai!

Yaburi 63:5

N sɔndɔmɛ la si fa iko mɔgɔ wa fa ladiyɛ kuma. N si sewa-bɛtinu bɔ i ye ka i tanto wonu na.

Yaburi 84:12

E, Mari Sɛnbɛ-Bɛɛ-Tigi, minnu lanɛ i la, wonu sewani de!

Keninteya-Siginu 2:3

Ile mani de kemini-mɛsɛnu tɛma n yala iko kura-kɔn min bi gbɔngbɔn rɔ. I ninɛ-lasigi di. I gbɔɛ fanan dɔn di i kɔrɔ.

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Yɛrɛmaya 31:14

Sarakɛ ti dasa saraka-masɔlɛnu bolo. Ala mɔgɛnu si fa fen-diyamɛnu na, ale Mari ye minnu dila anu ma, kɔni. Mari kan le kɛ la.

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Sakaraya 9:17

Nyamanɛ wo si kinya ka diya dɔgɔma-ma-de! Wola dɔn-fannu anubɛ wola minni-fannu si wola fonikenu tagbɛlɛya.