Yaburi 34:6 - ALLALA KUMƐ

⁶ Bolo-kolɔnnu ba di a dala, Mari si a wɔlɔ matɔlɔ anuna di-kɛ-kan la ka anu madɛnbɛ. A si anu bɔ anuna yakɔrɔ-mamɔɛnu tɔ.

Yaburi 34:6 ပူးပေါင်းရင်းမြစ်များ

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

2 Samuwɛli 22:1

Mari ya Mansa Dawuda kisi Mansa Sɔli anubɛ a yoge doinu ma tumɛ min, ale Dawuda ya bɛti bɔ Mari ye.

Yaburi 10:17

E, Mari, i si i wɔlɔ matɔlɔ mɔgɔ-famayiginɛnuna madiyalɛ la. I si anu yigi sigi.

Yaburi 3:4

N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 40:17

N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.

Nimisa Koe 3:56

N ya i madiya n dɛnbɛn-koe la tumɛ min, i ya a lamɔɛn de, yɔ!

1 Samuwɛli 1:18

Hana ya a fɔ ko, “N fa, baraka. Alamɛ n wara-ko-nyimɛ tora i burɔ.” Hana ban wo fɔla, a bɔra nyɔ. A tara fen-dɔn-kɛ bawo a yisi ara kimɛ.