Yaburi 34:2 - ALLALA KUMƐ

² N si a tanto ala kɛwɔli-nyimɛnuna ko la. Minnu bi yakɔrɔ-mamɔɛ rɔ, alamɛ wonu ya anu tole masɔ ka sewa.

Yaburi 34:2 ပူးပေါင်းရင်းမြစ်များ

Yobu 1:21

A ko, “N bolo-kolɔn le sɔrɔnta. N bolo-kolɔn le ye fagala. Mari min ya anu di n ma, Mari kelan wo le wara anu bi. N si ale Mari tanto!”

Yaburi 105:3

Wo ni sewa bawo Mari halalɛ le male la. Min damasi ye ale batola, wonu ni sewa.

Yaburi 119:74

Minnu bi i gbiliyala, wonu ba n yen, anu si sewa bawo n lanɛ ita yili-madiyɛ la.

Yaburi 142:7

N kunka nna tɔrɔyɛ kɛ rɔ min bara ma mana la n ma. Ni i ya wo kɛ n ye, n si i matɔgɔ mɔgɛ bɛɛ yala ka a tɛgɛ ita nyimayɛla ko la.

Yaburi 44:8

Ma si to i tantola dɛɛ! Ma si to baraka birala i ye burubukai!

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Yɛrɛmaya 9:24

Ni nyɛrɛ-matɔgɔ-sɔgɛ ye min na, wo tigi ni a fɔ ko ale le ya ale Mari lɔn a kila-bɛrɛbɛrɛ fɛ. A ni a diya-a-la ko ale Mari le ata Mari la. A ni a diya-a-la ko Marita keninteyɛ kolo, ado a telenta. A ni a diya-a-la ko Mari ye ko-telennɛ le mala dugu-kole kuma. Mari ko matɔgɔ-sufa wo le ye a diya donna ale rɔ. Mari kan le kɛ la.

1 Kɔrɛnti 1:31

Iko a sɛbɛnɛ Allala kitabu rɔ nya min ko, “Ni min bi a nyɛrɛ matɔgɔla, Mari ara min kɛ a ye, a ni to wo le fɔla mɔgɛnu ye.”

2 Kɔrɛnti 10:17

Kɔnɔ iko a sɛbɛnɛ Allala kitabu rɔ nya min ko, “Min bi a fɛ ka wasi, Mari ara min kɛ a ye, a ni wasi wo le tɔ.”