Yaburi 34:19 - ALLALA KUMƐ

¹⁹ Mɔgɔ-nyimɛ si tɔrɔya-siyamɛ sɔrɔn kɔnɔ hali wo, Mari si a kisi tɔrɔyɛ wo bɛɛsi ma.

Yaburi 34:19 ပူးပေါင်းရင်းမြစ်များ

Yobu 42:12

A ya Marita duwɛ min sɔrɔn tɔɛ kɛ la, wo tenbira a fɔlɔtɛ la. A ya saga waga tan-ni-nani (14,000) sɔrɔn tun. Wo kɔma, a ya nyomo waga wɔrɔ (6,000) sɔrɔn tun. A ya sara-ninki waga fila (2,000) sɔrɔn tun. Wo kɔma, a ya sofɛlɛ waga kelen (1,000) sɔrɔn.

Yobu 5:19

Mɔgɔ wa gbalo sɔrɔn tumɛ min, Alla si to a kunyɛ bɔla wo rɔ.

Yaburi 147:3

A si yisi-kimɛ di mɔgɔ-yisi-tinyanɛnu ma ka anuna tɛlɛnu makiri.

Yaburi 34:17

Mɔgɔ-latelennɛ wa Mari rakele, a si a wɔlɔ matɔlɔ a la. A si anu kunyɛ bɔ anuna tɔrɔyɛnu tɔ.

Yaburi 34:4

N ya Mari madiya, ado a ya nna madiyali-kan lamɔɛn. A ya n bɔ n takilan-koe bɛɛ rɔ.

Yaburi 34:6

Bolo-kolɔnnu ba di a dala, Mari si a wɔlɔ matɔlɔ anuna di-kɛ-kan la ka anu madɛnbɛ. A si anu bɔ anuna yakɔrɔ-mamɔɛnu tɔ.

Yaburi 51:19

Wo kɔma, i ni na to sewala saraka-mabɛnnɛnu na. Mata saraka-mintan-sumɛ si a diya don i rɔ tun. Ma si turɛnu mintan ila saraka-mintan-tinɛ kuma gburr!

Yaburi 71:20

I ya tɔrɔyɛ anubɛ dumɛ lana n ma, hali wo, i si na n sɛnbɛ kuraya. I si a ma, n ti yigi kanbɛ rɔ tun.

Hɛnkilimaya-Kumɛnu 24:16

Hali mɔgɔ-latelennɛ buira iko wɔrɔnfila, a si ke le a lasɔla wo dama rɔ. Kɔnɔ ni karagbɛlɛ buira, a si kasara pɔ!

Aiseya 55:6

Mari-nyini-tumɛ le kɛ la yanni tele ni ta wo ma, ado a rakele-tumɛ le kɛ la bawo a gbɛrɛnnɛ wo ma.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

Ruti 1:3

Anu tora nyɔ, anu fa kɛmɔgɛ fagara. A ya musi wonubɛ ala dannu to kelengboyɛ rɔ.