Yaburi 33:4 - ALLALA KUMƐ

⁴ Tonyɛ le Marita kumɛ la. Mari telenni de koe bɛɛ ladan tinɛ.

Yaburi 33:4 ပူးပေါင်းရင်းမြစ်များ

Ko-Dabirɛnu 24:27

A ko, “Alla tanto, n tigi Iburayimata Mari min bara ata lanyiri latɔnbagaya n tigi ye, wo ara n telen n tigita mɔgɛnu na.”

Yaburi 119:128

Ita sereya bɛɛ biranɛ n bolo. Ko-korɔn bɛɛ gbo n ye.

Yaburi 119:75

Mari, n ya a lɔn yati, ko ita kiti-tɛgɛ-nya telennɛ le sekeke! Ni i ye n tɔrɔla kɛ nya, n ya a lɔn ko lanaya-tigi le ile la.

Yaburi 12:6

Yigi si taran de mɔgɛnu bolo Marita yili-madiyɛla ko la. Lanyiri wonu yili masɔni de iko wodi-gbɛ min na ara lee sɛninya tinɛ iko wɔrɔnfila.

Yaburi 19:8

Mari wa minnu ma-koe fɔ mɔgɛ ye, wonu telenni de! Ni minnu sɔnta wonu ma-koe ma, wonu si sewa. Marita tɔn ti do latenbi do la. A si ko-kɔrɔ-lɔn di ma ma.

Yaburi 25:10

Minnu bi ata sarama-kan birala, a si ala telenbagayɛ anubɛ keninteyɛ yira wonu na.

Yaburi 96:13

Mari wa na kiti tɛgɛ tinɛ lunyɛ min, kɔni. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Hɛnkilimaya-Kumɛnu 30:5

“Allata kumɛ bɛɛsi sɛninyani de! Fɛɛ sa anu na. A si ma tanka iko nɛgɛ-walan si kɛlɛ-kurugbɛ latanka nya min.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Maika 2:7

‘Isirɛla mɔgɛnu dankani de?’ Anu ko, ‘Mari ti a munyu male kɔrɔ tun, wa? Ile lara a la ko a si ko-sufa kɛnu ma ma la, wa?’ Anu ko tun ko, ‘Hali mɔgɛ minnu bi ko-nyimɛ kɛla, Mari ti kuma wonu ye a kin na tun, wa?’ ”

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Romu 7:12

Tɔn-kitabu nyɛrɛ sɛnima, a telenta, a kin.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.