Yaburi 33:2 - ALLALA KUMƐ

² Wo ni sɔrɔn fɔ ka baraka bira Mari ye. Wo ni fɔli-fannu kɛ-a-rɔ ka a matɔgɔ-bɛti bɔ.

Yaburi 33:2 ပူးပေါင်းရင်းမြစ်များ

2 Samuwɛli 6:5

Mansa Dawuda anubɛ ala kɛlɛ-dannu bi tala anu dɔnna kirindi wo kɔma. Anu bi sigi sala anu sɛnbɛ bɛɛ la. Anu bi sɔrɔnnu anubɛ bɔlɔnnu anubɛ yonbenu anubɛ wasanbɛnu anubɛ dundɔnnu fɔla ka Mari gbiliya.

1 Ko-Kɔrɔta-Karan 15:16

Mansa Dawuda ya a fɔ Lifayi mɔgɔ-banu ye ko anu ni anu ya-lakalan anu kurun tɔ ka anu bole sɔ sigi-salɛnu anubɛ fɔli-fen-fɔlɛnu na minnu bi sɔrɔnnu anubɛ karanyanu fɔla. Wo kɔma, anu ni tolɔn kɛ a rɔ.

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

1 Ko-Kɔrɔta-Karan 25:3

Yɛdutunla den-kei mɔgɔ wɔrɛ minnu bi wɔlila ale kɔrɔ, wonu tɔgɛ le kɛnu na, Kɛdalaya wo, Seri wo, Yɛsaya wo, Simayi wo, Hasabaya wo, anubɛ Matetaya. Wonu tenbi wɔlɔyiya-kuma fɔla, anu si sɔrɔn fɔ ka Mari tanto.

1 Ko-Kɔrɔta-Karan 25:6

Isirɛla mɔgɛnu tenbi batoli-kɛ-tinɛ, Himanta dan kɛnu bi karanya anubɛ sɔrɔnnu denu fɔla iko anu fa ye anu nabilala nya min. Anu fa mɔgɔ sawɛ kɛnu, Esafi wo, Yɛdutun wo, anubɛ Himan, wonu bi wɔlila mansa nyɛrɛ-nyɛrɛ le kɔrɔ.

Yaburi 144:9

E, Alla, n si bɛti-kurɛ bɔ i ye. N si bɔlɔn fɔ ka sigi sa i ye.

Yaburi 149:3

Ma ni ma dɔn a tɔgɛ tanto tinɛ. Ma ni wasanbɛ lamaga ka sɔrɔn kɛ-a-rɔ a matɔgɔ tinɛ.

Yaburi 71:22

N si sɔrɔn fɔ i matɔgɔ tinɛ. Nta Alla, n si i tanto ita lanayɛla ko la. Ile min sɛnima Isirɛla nyamanɛ mumɛ rɔ, n si nna sɔrɔn fɔ ka bɛtinu bɔ i ye.

Yaburi 92:3

Mari, n si to i matɔgɔla bɔlɔn la ka sɔrɔn-diyamɛnu fɔ i ye.

Yaburi 92:4

E, Mari, ila ko-makawanɛnu si n nanyagalen. Ka a tɛgɛ i wara min ma, n si sewa-bɛti bɔ i ye.

Bɔ-Koe-Iyipiti 15:20

Woletɔ Aruna kɔrɔ musi Miriyam, nɛbi-musi, kɔni, wo ya ata wasanbɛnu bi anubɛ Isirɛla musinu ka dɔn kɛ buta a ma.

Lankɛnimayɛ 14:2

Wo kɔma, n ya kuman-kan lamɔɛn bɔla Arinyɛni tɔ. Wo manɛ iko wasa-sɛnbɛlamɛ-kan. A manɛ fanan iko san-sɛrɛn-kan. N ya kuman-kan min namɔɛn, wo manɛ fanan iko sɔrɔn-fɔlɛnuna sɔrɔn-kan.

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.