Yaburi 33:16 - ALLALA KUMƐ

¹⁶ Mansɛta kɛlɛ-dannu siya min kɛ dɔrɔn, a ti kɛlɛ nɔ. Kɛlɛ-dannu sɛnbɛ dɔrɔn ti a ma, a ni kɛlɛ nɔ.

Yaburi 33:16 ပူးပေါင်းရင်းမြစ်များ

1 Mansɛnu 20:10

Mansɛ wo ya kilaya-gbɛrɛkɛ don anu bolo tun. Kilayɛ wonu ke Isirɛla mɔgɛnuna Mansa Ehabu ma, anu ya a fɔ a ye ko, “Mansa Bɛnhedadi ko ni a ti na kɛlɛ-den-siyamɛnu na ka ila soe kɛ bunden, a ko alamɛ ala bɛsɛnu ya a gbesi a rɔ, ado a ko hali ila soe kɛ gbangban ti anu bolo tabɔ.”

1 Mansɛnu 20:15

Ale Mansa Ehabu ya ala kɛlɛ-den-bulan wonu kele. Kɛlɛ-dan wonu yirika bɛnta mɔgɔ kɛmɛ fila, mɔgɔ bi-sawa ani mɔgɔ fila ma (232). Wo kɔma, a ya Isirɛla kɛlɛ-den-toe wonu kele. Wonu fanan yirika bɛnta mɔgɔ waga wɔrɔnfila ma (7,000).

2 Ko-Kɔrɔta-Karan 13:8

Nba, wo ye Mari le kɛlɛ tinɛ kaka gbɛ bawo wo ye Mansa Dawuda bɔnsɔnnu kɛlɛla. Ila kɛlɛ-dannu siya, ado wo nara bɛsɛ minnu na, wonu nadanta sɛnɛ dɔrɔn na, Mansa Yɛrabowami ya minnu nadan tura-danla muninyɛ la, kɔni.

2 Ko-Kɔrɔta-Karan 20:12

Mata Alla le ile la. Kɛlɛ-den-siyamɛ minnu bara na ma kan ma kɛ la, ma dɛnbɛna-gbɛrɛ sa kɛlɛ kɛ rɔ fɔ ile. I yandi, na ma yoge kɛnu tɔrɔ ma ye. Ma kɔndɔfilinɛ. Ma yɛ bɛnnɛ ile le ma ma dɛnbɛn-koe rɔ.”

2 Ko-Kɔrɔta-Karan 20:23

Amonnuna kɛlɛ-dannu anubɛ Mohabununa kɛlɛ-dannu tara bui Idɔm kɛlɛ-dannu ma ka anu bɛɛ kasara. Anu ban wonu kɛla, Amonnu anubɛ Mohabunu ya anu ya-lamunun anu nyɔgɔn na ka anu nyɔgɔn faga.

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Yobu 36:7

A ye mɔgɔ-latelennɛnu kumafunfanna. Alla wa mɔgɔ ma mansɛ la, ni mansɛ wo wasira ala mɔgɛnu kuma,

Yobu 39:11

Ile si ke i yigi sala sigi wo sɛnbɛ-wɛ kuma alako a ni ila wɔli-gbɛlɛmɛnu kɛ i ye?

Yaburi 20:8

Mɔgɛ wonu ta si mɔlɔkɔn anu kɔrɔ kɔnɔ male si ma lawuli ka ma sɔ gben!

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Bɔ-Koe-Iyipiti 14:28

Iyipiti mɔgɛ minnu bɛɛsi tara Isirɛla mɔgɛnu sagaran tinɛ, wo bɛɛsi kunyɛ tora-a-rɔ dogbe! Hali mɔgɔ-den-kelen ma to.

Makawandili Kumɛnu 9:11

N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

Yɛrɛmaya 48:14

Mohabu keinu bi anu nyɛrɛ mala kɛlɛ-nyananu na nfenna ko la? Anu miri ko kɛlɛ ara anu tasuma nun, ba?

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Hoseya 10:13

Kɔnɔ yanni wo ni telenbagayɛ fui nyɔ rɔ nun, wo ya wunduyogoyɛ le fui nyɔ rɔ, ado wo ma fenfen tɛgɛ nyɔ fɔ wunduyogoyɛ. Wo ara bɔ wola foninya-fɔɛ-tɔnɔ ma. “Wo lanɛ wola kirindinu anubɛ wola kɛlɛ-den-siyamɛnu na min kɛ,

Emɔsi 2:14

Hali buri-kɛla-wɛnu, wonu kian ra si faga kuluba! Fanka-tiginu si fɛya iko duduyi. Kɛlɛ-dan minnu bɛnta ka mɔgɔ-gbɛrɛnu nakisi, wonu ti ke anu nyɛrɛ gbuyɛ lakisila.

Emɔsi 2:15

Hali kalabɛn-nakɛlɛnu ti ke anu sɔla anu gba kelan tɔ ka anuna kalabɛn nakɛ buri bolo. Minnu kian ragbɛlɛ buri-kɛ-tinɛ, wonu ti ke anu nyɛrɛ lakisila. Hali so-laburila-wɛnu ti ke anu nyɛrɛ niyi lakisila.

Yasowa 14:12

Awa, i ni kɔnkɔ-nyamanɛ kɛ di n ma iko Mari ya lanyiri kiri n ye nya min. Ma ya ma dantɛgɛ tumɛ min, ma ya a fɔ ko mɔgɔ-kinama-wɛnu bi nyɔ. (Anaki bɔnsɔn le kɛnu na.) Anu siginɛ so-wɛnu tɔ minnu nafoonɛ tarɛ la. Kɔnɔ kaka, ni Mari ye n fɛ, n si mɔgɛ kɛnu gben nyamanɛ kɛ rɔ.”

Kɛlɛ-Kurugbɛnu 7:2

Mari ya a fɔ Kidiyɔn ye ko, “Bawo ila kɛlɛ-dannu siya, n ti a ma, anu ni Midiyan kɛnu nɔ. Ni anu ya Midiyan kɛnu nɔ, anu bi anu mirila anuna siyayɛ le ma. Nde, Mari ti gbiliyɛ sɔrɔn worɔ.

Kɛlɛ-Kurugbɛnu 7:4

Mari ya a fɔ Kidiyɔn ye tun ko, “Hali wo, ila kɛlɛ-dannu siya fɔlɔn. Anu bi, i ni yigi anu na yi-worɔn la. N si anu yabɔ nyɔ. Ni n ya a fɔ minnu ma ko anu bi tala le, i ni wonu bi. Kɔnɔ ni n ya a fɔ minnu ma ko anu ti ta, i ni wonu nasɛgi.”

1 Samuwɛli 17:4

Filisitinuna kɛlɛ-kurugbɛ min bɔra Kati soe burɔ, a tɔgɛ Kolati. Wo nara Isirɛla mɔgɛnu kan ma. A sɔra anu yakɔrɔ ka a kɔgɛ raka anu telen tɔ. Ala yanyɛ, nunkan-nya wɔrɔ.

1 Samuwɛli 2:9

“Ale le si ata mɔgɔ-latelennɛnu niyi latanka kɔnɔ karagbɛlɛnu na si to pinpi rɔ dogbe, bawo mɔgɔ nyɛrɛta sɛnbɛ dɔrɔn ti a ma, a ni ta yarɔ.